sina ante e lipu "sitelen Kililisa"

[[sitelen:Romanian Traditional Cyrillic - Lord's Prayer text.png|thumb|200px|sitelen kepeken nasin sitelen Kililisa]]
'''sitelen Kililisa''' li [[nasin sitelen]] pi toki mute. ona li kama lon [[ma Pokasi]]. tenpo open la, ona li nasin sitelen pi [[toki Lowan majuna sewi]]. tenpo ni la, ona li nasin sitelen pi [[toki Losi]]. toki ante pi sitelen ni li [[toki Pokasi]] li [[toki Sopisi]] li [[toki Maketonija]] li [[toki Ukawina]] li [[toki Pelalusi]] li [[toki Kasasan]] li [[toki Opeki]] li [[toki Kilisa]] li [[toki Monko]] li toki ante mute lon ma sama pi toki ni. ma mute lon [[ma Sesesele]] lon tenpo pini li kepeken sitelen ni.

nasin sitelen Kililisa li tan kulupu mama sitelen sama [[sitelen Lasina]].

==sitelen==
sitelen ni li lon toki Kililisa pi [[kulupu toki Lowan]]:

А А́  А̀  Б В Г Ґ Д Ђ Ѓ Е Ѐ Ё Є Ж З З́  Ѕ И І Ї И́  Ѝ Й Ј К Л Љ М Н Њ О О̄  П Р С С́  Т Ћ Ќ У Ӯ Ў Ф Х Ц Ч Џ Ш Щ Ъ Ы Ь Э Ю Я

taso, toki ali ala pi sitelen Kililisa li kepeken sitelen ali ni. sitelen mute ni lon toki wan taso. toki Kililisa li lon kulupu toki Lowan ala la, sitelen mute ante li lon.

[[kulupu:nasin pi sitelen toki]]