sitelen tawa Nijan Senesi Ewankelijan
sitelen tawa Neon Kenesis Ewankelion (toki Nijon: 新世紀エヴァンゲリオン) anu Ewankelion anu Ewa li sitelen tawa pi lon ala pi ma Nijon tan tenpo sike 1995―1996. jan Kiteaki Ano tan kulupu Kainaks li pali e ona. jan lili mute tan Ewankelion li kepeken e ilo jan suli mute li utala e ijo sito (toki Nijon: 使徒, "jan pi kama sona"). ijo sito li ijo suli. ona li wile pakala e ma.
nasin sitelen
pakala ma suli anu «pakala nanpa tu» li pakala e ma lon tenpo sike 2000. jan Sinsi Ikali li tawa lon ma tomoTokijo-3 lon tenpo sike 2015 tan mama mije ona jan Kento Ikali. jan Kento Ikali li jan lawa pi kulupu Nelw. kulupu Nelw li lon ma Keoflont. ma Keoflont li lon anpa ma tomo Tokijo-3. jan Sinsi li lon ma tomo Tokijo-3 la ijo site li utala e ma tomo Tokijo-3. jan Sinsi li kepelen ilo jan suli Ewankelion-01 li anpa e ijo sito.
jan Misato Katulaki en jan Asuka Solu Lenkli en jan Lei Ajanami li kama e jan pona pi jan Sinsi. jan Misato li jan utala pi kulupu Nelw. jan Sinsi en jan Asuka li lon tomo pi jan Misato. jan Asuka li jo e ilo jan suli Ewankelion-02. jan Lei li jo e ilo jan suli Ewankelion-00. jan Sinsi en jan Asuka en jan Lei li anpa e 16 ijo sito.
jan Sinsi e ijo sito pini. jan Kento li wile wan ali kon pi jan li pali e ni. jan Sinsi li pilin ike mute. ona li sona e ni: ona li wile lon poka pi jan pona ona.
wawa
Ewankelion li pona tawa jan mute. lipu Paste en lipu IGN en lipu Comic Book Resources li toki e ni: Ewankelion li pona mute[1][2][3]. nasin sitelen en jan tan Ewankelion li pona tawa jan[4][5]. taso sitelen tawa nanpa 25 en sitelen tawa nanpa 26 tan Ewankelion li ike tawa jan[6][7].
tan sona
- ↑ jan Jones Ausin en jan Paste Staff li toki e ni lon "The 35 Best Anime of All Time" lon lipu Paste lon tenpo tenpo suno nanpa 15, tenpo mun nanpa 1, tenpo sike 2024.
- ↑ ni li tan "Top 25 Best Anime Series of All Time" lon IGN lon tenpo tenpo suno nanpa 22, tenpo mun nanpa 9, tenpo sike 2022.
- ↑ jan Kemner Louis li toki e ni lon "30 Best Anime Of All Time" lon Comic Book Resources lon tenpo tenpo suno nanpa 9, tenpo mun nanpa 1, tenpo sike 2024.
- ↑ jan Charles McCarter li toki e ni lon "Everywhere FLCL" lon EX Magazine lon tenpo tenpo suno nanpa 23, tenpo mun nanpa 5, tenpo sike 2007.
- ↑ jan Roderick Lee li toki e ni lon "Interview: Takagi Shinji" lon EX Magazine lon tenpo tenpo suno nanpa 2, tenpo mun nanpa 2, tenpo sike 2003.
- ↑ ni li tan "Otakon Highlights – Evangelion Voice Actors – Aug. 7, 1998" lon Fansview.com lon tenpo tenpo suno nanpa 17, tenpo mun nanpa 6, tenpo sike 2008.
- ↑ jan Matthew Vice li toki e ni lon "DStv Pick of the week – Neon Genesis Evangelion : Monday, 15:45, Animax" lon The Times.