lipu "sitelen Sinkeki No Kosin" la tenpo tu la ante li ni
No edit summary |
No edit summary |
||
| linja nanpa 1: | linja nanpa 1: | ||
[[sitelen:Attack on Titan logo.svg|thumb|326x326px|nimi pi sitelen tawa utala pi jan suli]] | [[sitelen:Attack on Titan logo.svg|thumb|326x326px|nimi pi sitelen tawa utala pi jan suli]] | ||
{{nimi ijo|'''sitelen tawa utala pi jan suli'''|進撃の巨人|toki Nijon|utala pi jan suli}} li [[sitelen tawa pi lon ala pi ma Nijon]] tan tenpo sike 2013―2023. [[jan Kasima Isajama]] en [[kulupu Mapa]] en [[kulupu Wit]] li pali e ni. jan suli lon [[ma lon telo]] Palatis li moku e jan. jan li utala e jan suli. | {{nimi ijo|'''sitelen tawa utala pi jan suli'''|進撃の巨人|toki Nijon|utala pi jan suli}} li [[sitelen tawa pi lon ala pi ma Nijon]] tan tenpo sike 2013―2023. [[jan Kasima Isajama]] en [[kulupu Mapa]] en [[kulupu Wit]] li pali e ni. jan suli lon [[ma lon telo]] Palatis li moku e jan. jan li utala e jan suli. sitelen tawa utala pi jan suli li pona mute tawa jan. sitelen tawa utala pi jan suli li jo e 94 sitelen tawa lili. | ||
==nasin sitelen== | ==nasin sitelen== | ||
Revision as of 2024-02-24T21:01:16
sitelen tawa utala pi jan suli (toki Nijon: 進撃の巨人, "utala pi jan suli") li sitelen tawa pi lon ala pi ma Nijon tan tenpo sike 2013―2023. jan Kasima Isajama en kulupu Mapa en kulupu Wit li pali e ni. jan suli lon ma lon telo Palatis li moku e jan. jan li utala e jan suli. sitelen tawa utala pi jan suli li pona mute tawa jan. sitelen tawa utala pi jan suli li jo e 94 sitelen tawa lili.
nasin sitelen
sona suli
jan Elti li lon ma tomo lon ma lon telo Palatis. ma tomo li jo tu wan sinpin: sinpin Sina, sinpin Losa en sinpin Mali. jan suli mute li lon ma Palatis. ona li jo ala e sona. ona li moku e jan. jan utala li kepeken e ilo pi tawa lon kon tan ni: ona li wile moli e jan suli. jan suli li moli la monsi anpa lawa ona li pakala tan ni: jan li lon insa jan suli. taso 9 jan suli li jo e sona:
- jan suli mama. ona li ken lawa e jan suli ante e jan Elti.
- jan suli utala. ona li ken lukin e tenpo pini e tenpo kama.
- jan suli suli. ona li suli mute. ona li utala kepeken e kon telo ona.
- jan suli awen. ona li jo e awen lon sijelo ona li pakala e tomo.
- jan suli meli. ona li ken pali e awen lon sijelo ona. ona li kalama la jan suli li kama.
- jan suli soweli. ona li kalama la jan Elti li kama jan suli.
- jan suli uta. ona li jo e kiwen uta wawa. ona li tawa pi tenpo lili.
- jan suli tawa. ona li ken jo e jan anu ijo lon monsi ona. ona li tawa pi tenpo lili.
- jan suli pi ilo utala. ona li ken pali e ilo utala kepeken sijelo ona.
jan suli sona li ken kama jan. jan ni li ken kama jan suli sona. jan ante moku e jan ni la jan ante li ken kama jan suli sona. jan suli sona li moli la jan lili Elti ante li ken kama jan suli sona.
ma Mali li lon ma ante. ona li utala ma Elti lon tenpo pini. ona li wile e ni: jan Elti li moli.
nasin sitelen
.jpg)
jan Elen Jeka li jan lili lon ma tomo Sikansina pi ma tomo pi ma Palatis. jan suli en jan suli suli en jan suli awen li utala e ma tomo Sikansina lon tenpo sike 845. ona li pakala e sinpin Mali. jan suli li moku e jan mute e mama meli pi jan Elen. jan Elen en jan Mikasa Akefman en jan Almin Alet li kama jan utala. ona li wile moli e jan suli.
jan suli en jan suli suli en jan suli awen li utala e ma tomo Tlost lon tenpo sike 850. jan Elen kama jan suli utala. ona li awen sona e ni: mama mije ona jan Kisa Ekel pana tawa ona e ken kama e jan suli utala. jan utala pi ma Palatis li tawa lon ma kasi. ona li lukin e jan suli meli. jan utala Eni Leonkat li jan suli meli. ona li kama kiwen lukin. jan utala sona e ni: jan suli suli mute li lon insa sinpin pi ma tomo.
jan suli soweli li tawa lon ma tomo. jan utala Laine Pla li jan suli awen. jan utala Peto Kuwe li jan suli suli. jan Laine kama jan suli awen. jan Peto kama jan suli suli. ona mute li kama jo ike e jan Elen. taso ona mute li pali ala e ni.
jan utala pi ma Palatis li lon ma tomo Sikansina. ona li utala jan suli en jan suli suli en jan suli awen en jan suli tawa en jan suli soweli. jan utala li anpa e ona mute. jan Almin li kama jo e ken kama e jan suli suli. jan Elen en jan Mikasa en jan Almin sona e ni: ma Mali li lon poka ma Palatis. jan Elti li ike tawa jan Mali. jan Mali li pali e jan suli. jan Mali li wile moli e jan Elti ali. jan Kisa Jeka li mama mije e jan Sik. jan Sik li jan suli soweli.
jan Elen en jan Sik li utala e ma tomo Lipelio. ma tomo Lipelio li ma tomo lawa pi ma Mali. jan Elen li kama jan suli pi ilo utala. ma Mali li utala ma Palatis. jan Elen wan jan Sik tan ni: ona mute li kama jan suli mama. jan Sik li wile moli e jan Elti. taso jan Elen li wile moli e jan ante. jan Elen anpa e jan Sik. jan suli suli lon sinpin pi ma tomo pi ma Palatis li tawa lon ma ante. ona li moli e jan ali e tomo ali. jan Elen li kama jan suli mama. jan Almin en jan Mikasa en jan Laine en jan utala lawa jan Lewi en jan ante li moli e jan Elen. jan suli ali li kama jan. taso jan suli suli tan sinpin li moli 80% pi jan ali.
tenpo pini pi pali
lipu utala pi jan suli tan tenpo sike 2009―2021 li tan pali e sitelen tawa utala pi jan suli. sitelen tawa utala pi jan suli li jo e 4 kulupu pi sitelen lili li e 94 sitelen lili. kulupu Mapa en kulupu Wit en jan Kasima Isajama li pali e sitelen tawa utala pi jan suli.
| nanpa pi kulupu pi sitelen tawa lili | nanpa pi sitelen tawa lili | tenpo |
|---|---|---|
| 1 | 25 | 2013 |
| 2 | 12 | 2017 |
| 3 | 22 | 2018―2019 |
| 4 | 35 | 2020―2023 |
pilin jan
sitelen tawa utala pi jan suli li pona mute tawa jan. jan pi kulupu lili li toki e ni: sitelen tawa utala pi jan suli li pona mute, li ken pona nanpa wan[1][2][3]. jan Lepeka Sileman li toki e ni: sitelen tawa utala pi jan suli li pona li monsuta[4]. jan Maja Pili li toki e ni: sitelen tawa utala pi jan suli li sama ala sitelen tawa ante[5]. kulupu NPR li toki e ni: sitelen tawa utala pi jan suli la sitelen tawa pi lon ala pi ma Nijon li wawa[6].
tan sona
- ↑ jan William Goodman li toki e ni lon "The 30 Best Anime Shows of All Time" lon Men's Health. lon tenpo tenpo suno 31, tenpo men 1, tenpo sike 2023.
- ↑ ni li tan "Top 25 Best Anime Series of All Time" lon IGN lon tenpo tenpo suno 22, tenpo mun 9, tenpo sike 2022.
- ↑ jan Alex Vo en jan Rafael Motamayor en jan Rob Fowler li toki e ni lon "The 25 Essential Anime Series To Watch Now" lon Rotten Tomatoes lon tenpo tenpo suno 7, tenpo mun 12, tenpo sike 2020.
- ↑ jan Rebecca Silverman li toki e ni lon "The Spring 2013 Anime Preview Guide" lon Anime News Network lon tenpo tenpo suno 3, tenpo mun 4, tenpo sike 2013.
- ↑ jan Maya Phillips li toki e ni lon "The 10 Best Anime Shows on Netflix" lon Vulture lon tenpo tenpo suno 10, tenpo mun 10, tenpo sike 2017.
- ↑ jan Maison Tran li toki e ni lon "Anime broadens its reach — at conventions, at theaters, and streaming at home" lon NPR lon tenpo tenpo suno 21, tenpo mun 1, tenpo sike 2023.