sitelen Sinkeki No Kosin

sitelen tawa utala pi jan suli (toki Nijon: 進撃の巨人, "utala pi jan suli") li sitelen tawa pi lon ala pi ma Nijon tan tenpo sike 2013―2023. jan Kasima Isajama li pali e ni. jan suli lon ma lon telo Palatis li moku e jan. jan li utala e jan suli.

nasin sitelen

sona suli

lipu ma (ma Palatis li loje. ma Mali li laso loje)

sinpin pi ma tomo lon ma Palatis

jan Elti li lon ma tomo lon ma lon telo Palatis. ma tomo li jo tu wan sinpin: sinpin Sina, sinpin Losa en sinpin Malia. jan suli mute li lon ma Palatis. ona li jo ala e sona. ona li moku e jan. jan utala li kepeken e ilo pi tawa lon kon tan ni: ona li wile moli e jan suli. jan suli li mola la monsi anpa lawa ona li pakala tan ni: jan li lon insa jan suli. taso 9 jan suli li jo e sona:

1. jan suli mama. ona li ken lawa e jan suli ante e jan Elti.
2. jan suli utala. ona li ken lukin e tenpo pini e tenpo kama.
3. jan suli suli. ona li suli mute. ona li kepeken e kon telo ona tawa utala.
4. jan suli awen. ona li jo e awen lon sijelo ona li pakala e tomo.
5. jan suli meli. ona li ken pali e awen lon sijelo ona. ona li kalama la jan suli li kama.
6. jan suli soweli. ona li kalama la jan Elti li kama jan suli.
7. jan suli uta. ona li jo e kiwen uta wawa. ona li tawa pi tenpo lili.
8. jan suli tawa. ona li ken jo e jan anu ijo lon monsi ona. ona li tawa pi tenpo lili.
9. jan suli pi ilo utala. ona li ken pali e ilo utala kepeken sijelo ona.

jan suli sona li ken kama jan. jan ni li ken kama jan suli sona. jan ante moku e jan ni la jan ante li ken kama jan suli sona. jan suli sona li moli la jan lili Elti ante li ken kama jan suli sona.

nasin sitelen

jan Elen Jeka li jan lili lon ma tomo Sikansina pi ma tomo pi ma Palatis. jan suli en jan suli suli en jan suli awen li utala e ma tomo lon tenpo sike 845. ona li pakala e sinpin Malia. jan suli li moku e mama meli pi jan Elen. jan Elen en jan Mikasa Akelman en jan Almin Alet li kama jan utala. ona li wile moli e jan suli.

jan suli jan suli en jan suli suli en jan suli awen li utala e ma tomo lon tenpo sike 850. ona li utala e ma tomo Tlost. jan Elen kama jan utala. ona li awen sona e ni: mama mije ona jan Kisa Ekel pana tawa ona e ken kama e jan suli utala. jan utala pi ma Palatis li tawa lon ma kasi. ona li lukin e jan suli meli. jan utala Eni Leonkat li jan suli meli. ona li kama kiwen lukin. jan utala sona e ni: jan suli suli mute li lon insa sinpin pi ma tomo.

jan suli soweli li tawa lon ma tomo. jan utala Lainel Plaun li jan suli awen. jan utala Peltolt Kuwel li jan suli suli. jan utala Imil li jan suli uta. jan Lainel kama jan suli awen. jan Peltolt kama jan suli suli. ona mute li kama jo ike e jan Elen. taso ona mute li pali ala e ni.

jan utala pi ma Palatis li lon ma tomo Sikansina. ona li utala jan suli en jan suli suli en jan suli awen en jan suli tawa. jan utala li anpa e ona mute. jan Almin li kama jo e ken kama e jan suli suli. jan Elen en jan Mikasa en jan Almin sona e ni: jan Mali li lon poka ma Palatis. jan Elti li ike tawa jan Mali. jan Mali li pali e jan suli. jan Mali li wile moli e jan Elti ali. jan Kisa Jeka li mama mije e jan Sik. jan Sik li jan suli soweli.

jan Elen en jan Sik li utala e ma tomo Lipelio. ma tomo Lipelio li ma tomo lawa pi ma Mali. jan Elen li kama jan suli pi ilo utala. ma Mali li utala ma Palatis. jan Elen wan jan Sik tan ni: ona mute li kama jan suli mama. jan Sik li wile moli e jan Elti. taso jan Elen li wile moli e jan ante. jan Elen anpa e jan Sik. jan suli suli lon sinpin pi ma tomo pi ma Palatis li tawa lon ma ante. ona li moli e ali. jan Elen li kama jan suli mama. jan Almin en jan Mikasa en jan Enu en jan Lainel en jan utala lawa jan Lewi en jan ante li moli e jan Elen. jan suli ali li kama jan. jan suli suli tan sinpin li moli 80% pi jan ali.

tenpo pini pi pali

lipu utala pi jan suli tan tenpo sike 2009―2021 li tan pali e sitelen tawa utala pi jan suli. sitelen tawa utala pi jan suli li jo e 94 sitelen lili.