soweli Felis Catus
soweli Peli Katu (toki Lasina: Felis catus) li soweli. jan mute li jo e soweli ni lon tomo ona tan ni: ni li pona tawa jan mute.
soweli Peli Katu li kepeken pona e noka ona. tan ni la ona li tawa anpa ala. tan ni la tenpo lili la ona li pakala e ona sama.
soweli ni li ken alasa pona. ona li alasa e soweli lili moku. tenpo pimeja la soweli ni li ken lukin pona e ijo tan ni: ona li jo e oko pona.
nasin pali[o ante | o ante e toki ilo]
soweli Peli Katu li ken pilin wawa lon tenpo mute. taso, lon tenpo suno la, mute la ona li lape. lon tenpo suno open lon tenpo suno pini la ona li ken kama pilin wawa a. taso, soweli ni li ken ante e nasin tenpo lape ona tawa jan tomo ona. tan ni la, ken la, ona li lape lon tenpo sama pi jan ona.
soweli ni li wile lawa e kipisi ma. tan ni la, tenpo mute la, soweli Peli Katu wan li kama lon kipisi ma pi soweli Peli Katu tu la, soweli tu li wile utala e soweli wan. taso soweli ni li ken kama pilin pona lon poka soweli ni ante. sama la, soweli ni li ken kama pilin pona lon poka jan. tenpo mute la, ona li ken olin e jan ona.