telo suli Paka
telo suli sike Paka (toki Lusi: Байкал, toki Pula (ma Lusi): Байгал далай) li telo suli sike lon ma pini pi open suno pi ma Sipil pi ma Lusi. nasin tawa anpa pi sike telo la, ona li nanpa wan. suli la, ona li nanpa luka tu lon ma ali[1]. ona li lon ma Asija. ma Iku en ma Pula li lon poka ona.
telo suli sike Paka
linja ona li 636 linja Kilometu. linja poka ona li 79 linja Kilometu en lili. suli ona li 31 700 linja Kilometu suli linja Kilometu (linja Kilometu²). nasin tawa anpa meso ona li 744 linja Metu. nasin tawa anpa suli ona li 1642 linja Metu. nasin tawa anpa ona pi sike telo la, ona li nanpa wan[2].
nasin telo 544 anu 1123 li pana e telo tawa sike telo Paka[3]. ona li jo e ma 22 ma lon telo. ma lon telo suli pi ona li ma telo Akon (toki Lusi: Ольхо́н)[2]. jan li ken moku e telo pi telo suli sike Paka. telo pi telo suli sike Paka li lete li lukin. ona li kama telo kiwen lon tenpo lete.
jan sona mute li pilin e ni: telo suli sike Paka tan tenpo sike weka 25,000,000―75,000,000. taso jan sona ante li pilin e ni: telo suli sike Paka tan tenpo sike weka 110,000―78,000[4].
1100 kasi li lon telo pi telo suli sike Paka. 2595 soweli li lon telo ona. 61 kala li lon telo ona[2].
ma
tenpo pini la, ma tomo en tomo pali en ante li ike tawa telo suli sike Paka. tenpo sike 1999 la, telo suli suke Paka li awen[2]. taso ike li lon telo ona lon tenpo ni. soweli li kama moli tan ni[5].
tan sona
- ↑ ni li tan "Large Lakes of the World" lon FactMonster.
- ↑ 2.0 2.1 2.2 2.3 jan Шапоренко С. И. en jan Шимараев М. Н. li toki e ni lon "Байкал" lon Большая российская энциклопедия: научно-образовательный портал lon tenpo tenpo suno 31, tenpo mun 3, tenpo sike 2023.
- ↑ jan Григорий Иванович Галазий li toki e ni lon kipisi nanpa 56 pi "Байкал в вопросах и ответах" lon Восточно-Сибирское книжное изд-во lon tenpo tenpo sike 1987.
- ↑ jan Лопатин Д. В. en jan Томилов Б. В. li toki e ni lon "Возраст Байкала" lon Вестник СПбГУ. Науки о Земле lon tenpo tenpo sike 2004.
- ↑ jan Юлия Чичерина li toki e ni lon "Экологическая ситуация на Байкале – как сохранить жемчужину Сибири" lon РИА Новости lon tenpo tenpo suno 2, tenpo mun 9, tenpo sike 2022.