toki:ma Kinli
- kalama Cymru
lipu ni li pona mute mute tawa mi, taso mi sona ala e ni: lipu ni la nimi Cymru li kinli tan seme? mi pilin e ni: toki Cymraeg la kalama Cymru li sama kenli anu kanli anu kunli li sama ala kinli.
jan Olipija ~ tenpo mute la, mi toki e nimi ma/toki Kinli. mi pakala lili.
pu la, ona li ma Kinla. ni li tan nimi 'Cymraeg'/kəmˈraːiɡ/. nimi 'kinli' li kama tan nimi 'Cymru' /kəm.rɨ/. sitelen kalama /a/ anu sitelen kalama /i/ li pona sama. ona tu li ken.
kalama /ə/ li tawa kalama /i/ la, mi lon pilin tu. pilin nanpa wan li sama sina. kalama /ə/ li lon poka pi kalama /a/ li lon poka pi kalama /e/ li lon poka pi kalama /u/. mi la, kalama /a/ li pilin ike. taso pilin ike ni li tan ala li pilin taso. kalama /e/ li pilin meso. kalama /u/ li pilin pona. nimi 'Kunli' li pilin sama 'Cwmni' (kulupu) lon toki Kinli la, ona li pilin pona.
taaaaaso toki Kinli la, sitelen <y> li ken pali e kalama /ə/ e kalama /i/. ni la, en kalama /ə/ en kalama /i/ li sama ala li ante a. taso ona tu li pilin sama lon toki Kinli. ni la, kalama /i/ li pilin pona lon insa nimi.
mi la, nimi 'Kinli, Kunli, Kinla, Kunla' li pona. o anu e wan pi ni tu tu la, mi sitelen e ni: "ma/toki Kinli (anu ma/toki Kinla, anu ma/toki Kunli, anu ma/toki Kunla)" (jan li anu e nimi Kinli ala la, o weka e ona o pana e anu).
kin la, o wan e nimi lon lipu pi ma Kinli, lon lipu pi toki Kinla.
(mi jan pi ma Kinli. mi jan pi toki Kinli)