sina ante e lipu "toki pona"

{{poki sona toki
|nimi toki=toki pona
|sitelen=[[sitelen:Toki pona.svg|100x100px]]
|kalama=[[Media:Toki Pona-toki pona.ogg|/ˈto.ki ˈpo.na/]] <sup>[[:ijo:Toki Pona-toki pona.ogg|(sona)]]</sup>
|nimi mama=|kulupu toki=toki sin
|nasin sitelen=<div class="plainlist">[[sitelen Lasina]]
[[sitelen pona]]
[[sitelen sitelen]]</div>
|ISO 639-3=tok
|IETF=tok
|ma=
|mama=[[jan Sonja]]
|toki luka=[[toki pona luka]]
[[luka pona]]}}
'''toki pona''' li [[toki sin]] [[toki sin#toki sin nasin|nasin]] [[toki sin#toki sin musi|musi]] tan [[jan Sonja]]. ona li pali e toki tawa ni: jan li ken pona e pilin ona e toki ona. ona li pana pi tenpo nanpa wan e ona lon lipu ilo. open la ona li pini ala. jan Sonja li pana e selo pini toki lon lipu nanpa wan pi toki pona lon tenpo suno 2014. jan li kepeken lipu ona la ona li [[pu]]. tenpo sike 2021 la, jan Sonja li pana e lipu sin pi toki pona. ni li [[lipu ku]]. ona li [[poki nimi]] pi toki pona. open la kulupu li lili. taso ona li kama suli. tenpo mute la kulupu li lon ilo. taso tenpo lili la jan li kama kulupu lon ma lon tenpo pini. nimi pi toki pona li tan toki mute: [[toki Topisin]] en [[toki Sumi]] en [[toki Lowasi]] en [[toki Epelanto]] en mute pi toki ante.

==tan nimi==
nimi "toki" li tan nimi {{toki|tpi|tok}} pi [[toki Topisin]] tan nimi {{toki|en|talk}} pi [[toki Inli]]. nimi "pona" li tan nimi {{toki|eo|bona}} pi [[toki Epelanto]] tan nimi {{toki|la|bonus}} pi [[toki Lasina]].

==tenpo pini==
jan Sonja li pana e selo open pi toki pona lon tenpo sike 2001. ona li pana e sona pi toki pona lon lipu ''tokipona.org.'' open la jan mute li kulupu lon [[kulupu pi toki pona pi lipu Jaju]]. tenpo mute la, jan mute li kama sona e toki pona. tan ni, kulupu pi toki pona li kama suli. tenpo la, jan Sonja li pana ante lili sin tawa toki pona.

tenpo sike 2014 la ona li pali e [[lipu pu]] lon toki Inli. ona li pana e lipu ni lon [[toki Kanse]] lon tenpo sike 2016. lipu pi toki pona napa tu ([[lipu ku]]) li kama lon tenpo sike 2021.

tenpo sike 2008 la [[kulupu ISO|kulupu ISO-639]] li pini e lipu tan jan pi toki pona tan ni: tenpo pini la toki ni li jo e sike suno lili. tenpo sike 2018 la kulupu ni li pini e lipu ante tan ni: jan pi toki pona li kulupu lili. tenpo sike 2022, jan pi toki pona li pana e lipu sin tawa kulupu ISO. tenpo ni la, ni li pona tawa kulupu ISO. ona li pana e nanpa toki tawa toki pona: "tok".

==sitelen en kalama==
[[sitelen:Toki pona Alphabet.jpg|thumb|200x200px|[[sitelen Lasina]] pi toki pona]]
kulupu kalama pi toki pona li lili. ni la jan mute li ken kalama e ona kepeken pali mute ala. kalama open li kalama wawa.

poki anpa la kalama li lon [[nasin sitelen kalama pi ma ale]].

{| class="wikitable" style="text-align: center;"
!
! kipisi Lepija
! kipisi Apila
!kipisi Paleta
! kipisi Wila
|-
! kon nena
| m
| n
|
|
|-
! kon pini
| p
| t
|
| k
|-
! kon pini lili
|
| s
|
|
|-
! open
| w
| l
|j
|[w]
|-
|}

{| class="wikitable" style="text-align: center;"
!
! sinpin
! monsi
|-
! pini
| i
| u
|-
! meso
| e
| o
|-
! open
| colspan="2" |a
|-
|}

==lipu pi toki pona==

===lipu tan jan Sonja===
[[pu]] la jan li kepeken lipu nanpa wan pi toki pona tan jan Sonja. ona li toki e nasin toki pi jan Sonja.

[[lipu ku]] li lipu sin li lipu nimi pi toki pona tan jan Sonja. lipu ni la, ona li alasa sona tan kulupu pi toki pona.

=== lipu tan jan ante ===
* [http://frederic.magniette.org/tokipona/nasinmelin_bl.pdf nasin suli pi jan Melin] - [[ante toki]] pi [[lipu "nasin suli pi jan Melin"|lipu "''La vie de Merlin''"]] tan [[jan Kupu pi ma tomo Temenu]]
* [https://www.amazon.com/Toki-Pona-Stories-meli-olin/dp/B08QFBMWPN Toki Pona Stories: meli olin moli] tan jan Fingtam Languages
* [https://www.amazon.com/Toki-Pona-Stories-akesi-seli/dp/B087RGBT1S Toki Pona Stories: akesi seli lili] tan jan Fingtam Languages
* [http://www.samwilsonwriting.com/elephant---tp.php jan Linsi en soweli suli] tan jan Sam Wilson
* [http://musilili.net/lipu/meli-lili-pi-len-loje-2/ meli lili pi len loje] - ante toki pi toki "''Rotkäppchen''". ante tan jan Sen pi lipu "musi lili".
* [https://github.com/stefichjo/toki-pona/blob/master/musi/soweli-wini-pu/lipu.md soweli Wini Pu en jan pi ale ale ale] - ante toki pi lipu "''Winnie The Pooh and All, All, All''" tan [[jan Milen]]
* [https://qdoc.tips/jan-lawa-lili-pdf-free.html jan lawa lili] - ante toki pi [[lipu "jan lawa lili|lipu "''Le Petit Prince''"]] tan [[jan Anwan Te Sesupeki]]
* [https://www.reddit.com/r/tokipona/comments/cfcp2m/soweli_lili_tu_wan_en_soweli_ike_suli/?utm_medium=android_app&utm_source=share soweli lili tu wan en soweli ike suli]
* [https://jan-ne.github.io/lipu/open open]
* [https://utamonsuta.itch.io/uta-monsuta uta monsuta]

==kulupu==
kulupu mute pi toki pona li lon.

kulupu pi toki pona lon [[lipu Wesi]] li suli nanpa wan. sama la [[ma pona pi toki pona]] pi [[ilo Siko]] li kulupu suli pi toki pona.

kulupu pi [[ilo Telekan]] en kulupu pi [[lipu Pesepu]] li lon kin. jan mute li toki e toki pona kepeken [[ilo Tuwita]] li kepeken lipu toki.social pi [[ilo Masoton]].

kulupu ma mute li lon. [[KTPA]] (kulupu pi toki pona pi [[ma Anku]]) li lon kin. sama la kulupu pi toki pona li lon lipu VK pi ma Losi.
[[kulupu:toki pona]]