sina ante e lipu "tomo Tamala"

[[File:Taj Mahal (Edited).jpeg|thumb|250px|sitelen pi tomo Tasimele]]
{{nimi ijo|'''tomo Tamala'''|ipa=[taːdʒ ˈmɛːɦ(ə)l]}} li [[tomo]] suli lon [[ma Palata]]. tenpo pini la, jan Sa Sawan li pali e tomo ni lon 1643. tomo ni li jo e sijelo pi jan Munta Mele. meli ni li meli pi jan Sa Sawan. tenpo ni la, tomo Tamala li jo e sijelo pi jan Sa Sawan e Munta Mele.

tomo Tamala li lukin pona. tomo pi ma ali li lukin pona ala. jan mute li tawa lon ma Palata tan ona li wile lukin e tomo Tasimele.

tenpo ni la, ijo ike li kama lon tomo Tamala. telo kama pi kon sewi li moku e tomo ni. ma Palata li pana e kon seli mute. tan ni la, tomo Tasimele li tawa kule pimeja lili.

==nasin pi pali e tomo ni==
tenpo pini la, jan Sa Sawan li pali e tomo ni poka ma tomo Ala. ilo pi ma ali li kama ma tomo Ala. kiwen walo li kama tan ma Makana. [[ma Sonko]] en ma Punaja en ma Po en ma Akanisan en ma Lanka en ma Sawusi li pana e kiwen pi mani mute. tomo Tamala li jo e tomo sewi e palisa kiwen pi lukin pona.

==tenpo pi tomo Tamala==
tenpo pi moli pi jan Sa Sawan li kama la, jan ante li pana e sijelo pi jan Sa Sawan poka sijelo pi jan Munta Mele. tenpo mute la, ona li lape moli lon tomo Tamala.  jan mute pi utala li pana e utala tawa ma pi tomo Tamala. jan pi ma Palapu li kama jo e kiwen pi mani mute tan tomo Tamala. ma Palata li jo e utala suli lon tenpo sike 1857. jan mute pi utala pi [[ma Juke]] li jaki e tomo Tamala. taso lon tenpo sike 1908 la, jan lawa Kulon pi ma Juke li toki e ni: o pona e tomo ni.

==ijo ike ken kama==
tenpo sike 1942 la, lawa pi ma Palata li pali e palisa mute pi suli poka tomo Tasimele tan ni: ma Nijon li utala e ma Juke e ma Palata. lon 1965 en 1971 la, ma Palata li pali e palisa suli sin tan ni: ma Palata en ma Pakisan li utala. palisa ni li wile awen e tomo Tamala. lon tenpo ni la, telo kama pi kon sewi li moku e tomo Tamala.  lawa pi ma Palata li toki e ni: o pana ala e kon ike poka tomo Tasimele.

==jan mute li tawa tomo Tamala==
jan mute li tawa tomo Tamala. ni li pana e mani mute tawa lawa pi ma Palata.  jan pi ma Palata li pana e mani lili. jan pi ma ante li pana e mani mute. jan mute li tawa lon tenpo pi kon lete li tawa ala lon tenpo kon seli.

[[kulupu:ma Palata]]
[[kulupu:tomo pi tenpo pini]]