tomo pi wawa telo

sitelen

wawa telo li wawa tan telo. wawa telo mute li kama tan wawa awen pi telo tawa. tenpo mute la telo ni li tawa e ilo. ilo ni li kama e wawa.

pona

pona suli pi wawa telo li ni: wawa telo kepeken ala e telo wawa e kiwen wawa e kon wawa. jan li wile kama jo e telo wawa anu kiwen wawa anu kon wawa la ona li wile pana e mani. taso jan li wile kama e wawa telo la ona li pana ala e mani. tenpo mute la tomo pi wawa telo li lon. taso tenpo lili la tomo pi wawa ante li lon.

tomo pi wawa telo li kama e ni: telo suli li lon. telo suli li pona tawa jan mute. ona li tawa telo suli li pana e mani.

ike

sitelen ni li toki e ni: o weka.

ken la tomo pi wawa telo li kama e ni: kala li ken ala tawa ma mama ona. waso li weka tan tomo pi wawa telo.

tomo pi wawa telo li kama e ni: telo suli li lon. telo suli lon ma seli li pana e kon ike. tan li ni: kasi li lon anpa telo la kasi li moli li pana e kon ike.

ike ante pi wawa telo li ni: ken la jan wile weka tan ma lon tomo pi wawa telo. ken la telo li kama tawa ma ona li pakala e ona. ken la ma ona li pona mute tawa jan. taso jan li ken ala lon ma ona.

lipu ante

• kulupu sona li sitelen e ni: wawa telo li ante e kasa e ma kasa (toki Inli)
• Hydroelectric power
• sitelen li toki e ni: tomo suli pi wawa telo li ante e ma li pana e kon ike (toki Inli)
• sitelen pi tomo pi wawa telo tan jan Edith Irvine
• Hydro Quebec
• wawa telo (toki Inli)
• Hydropower Reform Coalition kulupu lon ma Amelika li wile pona e linja telo
• tomo pi wawa telo (toki Inli)