tomo pi wawa telo
wawa telo li wawa tan telo. wawa telo mute li kama tan wawa awen pi telo tawa. tenpo mute la telo ni li tawa e ilo. ilo ni li kama e wawa. tenpo ali la telo wawa li ken lon.
pona
pona suli pi wawa telo li ni: wawa telo kepeken ala e telo wawa e kiwen wawa e kon wawa. sina wile telo wawa anu kiwen wawa anu kon wawa la sina wile pana e mani. taso sina wile wawa telo la sina pana ala e mani. tenpo mute la tomo pi wawa telo li lon. tenpo lili la tomo pi wawa ante li lon.
tomo pi wawa telo li kama e ni: telo suli li lon. telo suli ni li pona tawa jan mute. ona li tawa telo suli ni li pana e mani.
ike
ken la tomo pi wawa telo li kama e ni: kala li ken ala tawa ma mama ona. waso li weka tan tomo pi wawa telo.
tomo pi wawa telo li kama e ni: telo suli li lon. telo suli lon ma seli li pana e kon ike. tan li ni: kasi li moli li pana e kon ike.
ike ante pi wawa telo li ni: ken la jan wile weka tan ma lon tomo pi wawa telo. ken la telo li kama tawa ma ona li pakala e ona. ken la ma ni li pona mute tawa jan. taso jan li ken ala lon ma ni.
lipu ante
- kulupu sona li sitelen e ni: wawa telo li ante e kasa e ma kasa (toki Inli)
- Hydroelectric power
- sitelen li toki e ni: tomo suli pi wawa telo li ante e ma li pana e kon ike (toki Inli)
- sitelen pi tomo pi wawa telo tan jan Edith Irvine
- Hydro Quebec
- wawa telo (toki Inli)
- Hydropower Reform Coalition kulupu lon ma Mewika li wile pona e linja telo
- tomo pi wawa telo (toki Inli)