sina ante e lipu "tomo tawa linja"

[[ijo:Поезд на фоне горы Шатрище. Воронежская область.jpg|thumb|tomo tawa linja lon [[ma Losi]]]]
'''tomo tawa linja''' li tomo tawa suli li kepeken nasin kiwen linja. tomo tawa linja li ken jo e tomo tawa lili mute pi jan anu ijo. ken la, ona li jo e ilo wawa tawa kin. ken la, ilo wawa tawa en tomo tawa lili jan li wan. tomo tawa linja li tawa [[tomo pi awen tomo tawa]] tan tomo ante. jan li ken tawa insa tomo tawa linja lon tomo pi awen tomo tawa. jan li wile tawa kepeken tomo tawa linja la, ona li esun e [[lipu pi tomo tawa]].

nasin pi tomo tawa linja li lon ma mute. [[ma tomo]] la, jan mute li wile tawa tomo ante. ni la, ma tomo li jo e nasin mute. ken la, nasin lon ma tomo li anpa ma.

=== wan pi tomo tawa linja ===

* {{nimi ijo|wan Esupe|Express}} li jo e tomo awen lili. ona li tawa ma tomo suli tan ma tomo suli ante kepeken tenpo lili mute. jan tawa li ken esun e [[moku]] lon [[tomo moku]] lon tomo tawa ni.
* {{nimi ijo|wan Itasisi|Intercity}} li awen lon ma tomo suli anu lili. ni la, ona li tawa kepeken tenpo [[meso]]. ken la, jan ken esun e moku lon ni tan jan pali pi tomo tawa linja. taso, tenpo mute la, ona li jo ala e tomo moku.
* ''wan pi ma lili'' li awen lon tomo ale pi awen tomo tawa lon ma lili. ona li tawa kepeken tenpo mute. taso, lipu pi tomo tawa ni li mani mute ala. tenpo mute la, sina ken esun e lipu pi tomo tawa linja pi sike mun. ni la, sina ken kepeken e tomo tawa linja ale pi ma lili lon sike mun wan.  taso, tenpo mute la, ona li pona lon nasin wan taso.
* ''wan pi ma tomo'' li awen lon tomo mute lon ma tomo suli en ma poka pi ma tomo suli. jan mute li kepeken e ona lon tenpo suno ale tan ni: ona li wile tawa tomo pali tan tomo ona. sina jo e lipu pi tomo tawa linja ni la, sina ken kepeken e tomo tawa ante pi jan mute lon ma tomo sina.


[[kulupu:lipu ni li lon lipu Panton kin la o lukin]]