tonsi
jan tonsi li jan pi kule ni: ona li sama ala kule pi sijelo ona. ken la, jan tonsi li meli pi sijelo mije, anu mije pi sijelo meli. ken la, jan tonsi li meli taso ala li mije taso ala. jan tonsi mute li ante e sijelo ona tan ni: ona li lukin sama kule ike. taso, jan tonsi pi wile ala ante e sijelo ona li lon. jan tonsi mute li jo e nimi ante ni: mama ona li pana e nimi tawa ona lon tenpo kama lon.
tonsi li nasin olin ala. jan tonsi li ken olin e jan ale, anu jan pi kule wan, anu jan ala, anu ante.
nimi
jan tonsi wan li kepeken nimi ante nimi pi jan tonsi ante. ken la, jan tonsi li wile ala e ni: jan ante li kepeken e nimi ‘tonsi’ tawa ona. toki ante la, jan tonsi ken wile e ni: jan ante li kepeken e nimi ante tawa ona.
toki pona la, nimi ‘tonsi’ li lon lipu pu ala. taso, jan mute pi toki pona li sona li kepeken e ona. jan Sonja li toki e ni: ‘nimi “tonsi” li pona’.
sitelen
kulupu jan tonsi li jo e sitelen kule tu. sitelen kule nanpa wan li jo e kule ni: laso sewi, loje walo, walo, loje walo, laso sewi. kule ni li kule pi jan tonsi ale. sitelen kule nanpa tu li jo e kule ni: jelo, walo, unu, pimeja. kule ni li kule pi jan tonsi ni: ona li mije taso ala li meli taso ala.
toki ilo Juniko la, sitelen tonsi (⚧) li sitelen nanpa 26A7 (nasin nanpa luka luka luka wan).