sitelen pona

tan lipu Wikipesija
Jump to navigation Jump to search
lipu ni li toki lon nasin sitelen pi jan Sonja. kon ante pi nimi ni la o lukin e lipu ni: sitelen pona (kon ante).
nimi pu ale lon sitelen pona.
wan sitelen
"ma Kanata li suli"

sitelen pona li nasin sitelen pu pi toki pona tan jan Sonja. nimi wan li lon toki pona la sitelen wan ona li lon sitelen pona. jan li wile sitelen e nimi suli pi ijo wan kepeken sitelen pona la ona li kama jo e linja nimi pi kalama nanpa wan sama kalama ale nimi (nimi "Sonja" li ken kama linja "soweli olin nena jelo awen") li pana e ona lon poki.

jan li wile toki e ni: nimi nanpa wan li tan nimi nanpa tu (ken: toki pona - nimi "pona" li tan nimi "toki") la ona li ken wan e sitelen tu ni. ona li ken pali e ni kepeken nasin tu: sitelen nanpa wan li lon insa pi sitelen nanpa tu anu sitelen nanpa wan li lon sewi pi sitelen nanpa tu.