jan On Sijokan
Jump to navigation
Jump to search
jan On Sijokan (toki Sonko: 洪秀全) li mama pi ma sewi Tapin (太平天囯) li jan lawa utala tan utala Tapin. ona li toki e ni: jan Jesu li sama ona en mama sewi li mama ona.
jan On Sijokan li wile e ni: ma Sonko ale li ma pi nasin sewi pi jan Jesu. tan ni la, ona li mama e kulupu utala suli li utala e ma Takin tan tenpo sike 1851. utala ni li moli e jan 30,000,000. utala ni li pini tan tenpo sike nanpa 1864. ma Takin li anpa e ma sewi Tapin.
jan On Sijokan li moli tan tenpo sike nanpa 1864. jan lawa pi ma Takin li pakala seli e sijelo moli pi jan On Sijokan li pana e ko sijelo moli tan ilo utala suli.