akesi pi monsi kiwen

sitelen pi akesi monsi kiwen

akesi pi monsi kiwen li akesi. ona li jo e monsi kiwen. soweli ike li lon la akesi li ken lon insa monsi ona.

nimi ante tawa akesi pi monsi kiwen li akesi poki.

akesi poki pi sama ala en kulupu ona

akesi poki pi tawa ma en akesi poki pi tawa telo li lon. ona li lon kulupu pi akesi poki, lon kulupu Tetusinata.

tan nimi

akesi poki anu akesi pi monsi kiwen li akesi ale ni: ona li jo e monsi poki anu monsi kiwen. jan li toki e "akesi poki" tan ni: lukin ona li sama poki.

akesi pi monsi kiwen li ken lon ma li ken lon telo

akesi monsi li ken kala

akesi li ken soweli

akesi monsi li ken akesi soweli li ken akesi kala.

insa ona

insa pi akesi monsi kiwen

akesi ni li jo e sijelo kiwen walo insa. insa pi sijelo kiwen walo li jo e ala tan ni: insa li lon insa akesi.

insa ona li lon mute tan ni: ni li pona tawa akesi.

unpa en kama suli

akesi pi monsi kiwen li unpa

tenpo unpa la mije li wile utala e mije ante tan meli kepeken nasin ni: mije li anpa e mije ante li uta e mije ante li utala kepeken monsi kiwen.

tenpo lili la mije li ken kalama.

unpa li pini la meli li kin ken jo e telo walo lon lupa ona tan ni: ona poka mije ala li ken pali e sike mama kin.

meli li pana e sike mama la ona li pali e lupa ma tan ni: akesi li pana e sike mama tawa lupa tan ni: ni li pona tawa akesi lili.

akesi pi monsi kiwen li lili

sike mama li pakala tan akesi lili. akesi lili li akesi kala la  ona li tawa telo.

akesi suli li olin ala e lili ona tan ni: ona li sona ala.

akesi li moku e seme?

akesi li lon ma la ona li moku e kasi. akesi li lon telo la ona li moku e kala. taso, akesi li ken moku e ante.

akesi li lon tenpo seme?

akesi pi monsi kiwen li ken lon tenpo mute mute mute.

ma lon

akesi poki li lon ma mute. seli ona li ante sama akesi ante.