ike tawa li pakala e ilo awen pi sijelo jan
jaki ni li pakala e ilo awen pi sijelo jan (toki Inli: Human immunodeficiency virus (HIV)). ona li jaki lili li pana e ike sijelo (toki Inli: Acquired immunodeficiency syndrome (AIDS)). tenpo mute la, ona li pakala e ilo sijelo awen. tan ni, jan li kama jo e ike tan jaki mute. ike ni ken moli e jan.
jan ken kama jo e jaki ni tan unpa pi ilo unpa awen ala, tan telo sijelo loje, tan ilo selo kipisi, tan mama.
ona li kama tawa jan tan soweli jan lon ma Apika. jan li pilin e ni: jan li moku e soweli jan pi jo e jaki ni. jan mute li kama moli tan ike ni. ona li ike mute lon ma Apika. jan sona li kama sona e ike ni lon tenpo sike nanpa 1981, lon ma Mewika. jan li sona ala e nasin pi weka jaki ni. taso, ona li misikeke tawa awen e pona pi jan pi jo e jaki ni.