ilo Telekan

tan lipu Wikipesija
Revision as of 2021-05-08T07:57:30 by JanLentan (toki | ante) (mi pali e lipu sin li pana e toki ni: "{{nimi ijo|'''ilo Telekan'''|Telegram|toki Inli}} li lipu kon, li ilo kon pi toki jan. kulupu esun "Telegram Messenger Inc." li pali e ona. {{n...")
(ante) ← Older revision | Latest revision (ante) | Newer revision → (ante)
Jump to navigation Jump to search

ilo Telekan (toki Inli: Telegram) li lipu kon, li ilo kon pi toki jan. kulupu esun "Telegram Messenger Inc." li pali e ona. jan Pawe Tulo (toki Losi: Павел Дуров) li lawa e kulupu ni.

ilo kon mute li lon tawa ilo Telekan. ilo sona la, ilo kon lawa Winto (Windows) en ilo kon lawa Makinto (Mac OS) en ilo kon lawa Linu (Linux) li ken jo e ilo kon pi ilo Telekan. ilo toki lili la, ilo kon lawa Ajowesi (iOS) en ilo kon lawa Antowi (Android) li ken jo e ona. sin la, ante mute pi ilo kon Telekan li ilo kon pi nasin pali open. tan ni la, ante mute sin li lon.

ilo li ken pali e ni: sina open e lipu lawa sina la, sina ken toki tawa jan ante ale. sina ken jo e lipu lawa wan on ilo mute. ilo ale ni li jo e sona wan. sina ken toki tawa jan mute lon "kulupu", li ken pana e sitelen tawa jan mute lon "toki wawa".

wile pini pi kulupu lawa

tenpo suli pini la, kulupu lawa pi ma Losi li toki e ijo ni: "jan utala ike li toki kepeken ilo Telekan. mi wile pini e ilo Telekan lon ma Losi tan ni." kulupu lawa Losi li pali e mute tawa ni. tenpo pi mute lili la, lipu kon ante mute li pini pali tan ni. taso, ilo Telekan li pini ala. kulupu lawa Losi li pini e utala ona.[1]

toki utala

jan sona pi len sona li toki e ni: nasin pi len sona pi ilo Telekan li ike. jan pali pi ilo Telekan li ante e ijo mute ona, li pona e nasin len ona. taso, jan sona li toki e ijo ni: "nasin ona li ante mute tan nasin pi ilo ante. ken la, jan ike li kama sona e ike ona."

tenpo mute la, jan ike li kama sona ike e sona pi jan pi ilo Telekan. taso, tenpo ale la, ona li kepeken e nasin ante. tenpo mute la, jan ike li pali e lipu "SIM" ike, li kepeken e nanpa pi ilo toki ona.

nimi nasin sin