jan:Tolonpon

toki a, mi jan Tolonpon. tenpo ni la mi kama sona e toki pona. taso mi wile pona e lipu ni.

tenpo ni la, mi pali e lipu sona pi lipu Wikipesija ni:

• toki Salaki

tenpo mute la mi kama sona e sona toki e sona nanpa e sona pi kalama musi.

mi li lon ma pona pi toki pona lon ma Seka kin.

o lukin, tenpo ni la mi jo e tomo lili linluwi! ona li lon ni.

pali mi

tenpo ni la mi pali e toki sin tawa ma ale. mi pana e nimi AKIAL, taso mi ken pana e nimi QQA kin. (tan Qakti qaktis asik, "toki pi jan mute".) ijo namako li lon ni.kin la, mi pali e ilo pi sitelen pona. sina kepeken e ona la, sina ken sitelen e sitelen pona kepeken ilo sona. ona li pali lon ilo AutoHotkey insa. mi wile pana e ona tawa jan ale linluwi. taso, nanpa wan la mi wile pini pali e ona. ona li pali ala e ijo lili.

sitelen pona li sitelen pona

mi wile toki...

tenpo ale pi toki pona la, mi kepeken e sitelen pona tan ni: sitelen pona li sitelen pona!

sitelen Lasina li ken ike

lon a, tawa jan pi kama sona la, sitelen Lasina li pona mute. sina ken uta e nimi ale lon tenpo ale. taso tawa mi en jan pi toki pona ante la, mi toki e ni:

sina lukin e toki pona pi sitelen pona, sina wile e tenpo mute. sina wile lukin e sitelen mute mute. nimi mute li sama lukin kin:

• nimi "mi" en nimi "ni"
• nimi "lawa" en nimi "tawa"
• nimi "taso" en nimi "laso"
• nimi "loje" en nimi "jelo"
• nimi "kalama" en nimi "kala ma"
• nimi "li" en nimi "lili"

kin la, sitelen ale li lili. tan ni la sina wile kepeken e sike e sitelen lili ante.

jan pi toki Inli o, sina alasa ala alasa sitelen e sitelen suli kepeken luka taso? ni li pilin ike tan ni: sina wile linja mute mute tawa nimi wan. ni li lon tawa toki pona kin!

tawa jan pi kama sona la

sitelen pona li ken pona tawa jan pi kama sona kin! sina kepeken sitelen Lasina la, sina wile sona e nimi ale. o lukin e nimi ni:

len laso anu len unu li pona tawa sina?

ken la, sina sona e nimi "unu", taso jan mute li sona ala e nimi ni. sina ken ala ken lanpan e ijo pi nimi ni tan sitelen taso? sina ken ala. ni la, sina wile lukin e lipu nimi. (nimi.li li pali pona tawa mi.)

taso, sina sitelen e nimi ni kepeken sitelen pona la, sina ken lukin: "unu" li lukin sama "loje", taso sike sewi li mun. ken la, ijo nimi pi nimi "unu" li kule mun...kule pi loje laso.

lon a, jan pi kama sona li lukin li toki e ni: "mi uta e nimi sina kepeken nasin seme?" sina ken ala lanpan e nasin uta tan sitelen pona taso. taso tenpo mute la, sina wile sona e ijo nimi anu nasin uta? tenpo mute ala la sina wile uta e sitelen pi toki pona tawa jan mute mute.

pini

taso, sina kepeken e sitelen Lasina, ni li pona kin. tenpo ni la ilo lawa li pona ala tawa sitelen pona li pona mute tawa sitelen Lasina.

o pali e ijo wan taso: o sitelen e toki pona. (jan mute mute li pilin e ni: toki pona li toki lili lili. ni li tan seme a?!)