sina ante e lipu "jan Mako Polo"

{{poki sona jan| sitelen            = [[ijo:Marco Polo portrait.jpg|160px]]
| ma                 = ma Italija
| pali               = jan tawa<br>jan esun<br>jan pi sitelen toki
|nimi jan=jan Mako Polo 
|nimi mama=Marco Polo
|kalama=/ˈmaɾko ˈpolo/
|ma pi kama lon=[[ma tomo Wenesija]]
|tenpo sike pi kama lon=1254
|tenpo sike moli=1324
|ma moli=ma tomo Wenesija
|mama=jan Nikolo Polo (mije)}}
{{nimi ijo|'''jan Mako Polo'''|Marco Polo}} li jan tawa li [[jan esun]] tan [[ma tomo Wenesija]]. ona li tawa lon [[nasin pi len mani]] lon poka pi mama mije ona lon poka pi mije sama pi mama mije ona. ona li kama tawa ma mute lon [[ma Asija]] lon nasin ni. ona li kama tawa [[ma lon poka pi sike kipisi kasi]] tawa [[ma Ilan]] tawa [[ma Asija insa]] tawa [[ma Sonko]]. ona li toki tawa {{nimi ijo|[[jan lawa Kupi]]|Setsen Khan Kublai}} li pali toki tan ona. tenpo mute li tawa la, ona li kama sin tawa [[ma Elopa]]. ona li toki pi tawa ona la, jan sitelen li sitelen pi toki tawa ona. nimi pi lipu sitelen ona li lipu "''Livres des Merveilles du Monde''" (toki sona pi ma ali) anu lipu "''Il Milione''" (nanpa suli). taso tenpo ni la, jan mute li kepeken e nimi ni: "lipu pi tawa pi jan Mako Polo".

tenpo pini ni la, jan pi nanpa lili tan ma Elopa li kama tawa ma Sonko. sitelen toki ona li pana e sona mute pi ma Asija tawa jan pi ma Elopa. tawa ona li suli tawa jan tawa pi tenpo kama.<ref>[https://www.encyclopedia.com/science/encyclopedias-almanacs-transcripts-and-maps/journeys-marco-polo-and-their-impact  The Journeys of Marco Polo and Their Impact] ''Encyclopedia.com''</ref>

==tawa ona==
[[ijo:Travels of Marco Polo.svg|thumb|sitelen ma pi tawa pi jan Mako Polo|250px]]
{{pini ala}}
tenpo sike nanpa 1271 la, mama mije ona ([[jan Nikolo Polo]]) en mije sama pi mama mije ona ([[jan Mapejo Polo]]) li weka e ma tomo Wenesija lon poka jan Mako Polo. tenpo ni la, ona li lon e tenpo sike pi nanpa {{o nnp|17}}. ona li kepeken e [[tomo tawa telo]] la, ona li kama tawa [[ma tomo Ake]] lon [[ma Pilisin]]. ma ni la, ona li toki tawa jan Tejopalo Wikonsi. jan ni li kama jan lawa sin pi [[kulupu Katolika]]. nimi lawa ona li [[jan lawa Kekoliju nanpa luka luka]]. jan Nikolo en jan Mapejo li lon ma Sonko lon tenpo pini. jan lawa Kupi li pana e lipu sitelen tawa ona tan ni: ona li wile pana e lipu ni tawa jan lawa pi kulupu Katolika. ona li pana e lipu tawa jan lawa Kekoliju. jan lawa Kekoliju li lukin e lipu. ona li pana e lipu sin tawa jan Nikolo en jan Mapejo en jan Mako tan ni: ona li wile pana e lipu tawa jan lawa Kupi. tan ni la, ona li weka e ma tomo Ake li tawa e ma Sonko lon [[open suno]].

==tan sona==
<references />
[[kulupu:jan tawa]]