jan Mako Polo

tan Wikipesija
o tawa poki nasin o tawa alasa
jan Mako Polo

Marco Polo

Marco Polo portrait.jpg
kalama /ˈmaɾko ˈpolo/
ma ma Italija
pali jan tawa
jan esun
jan pi sitelen toki
kama lon ma tomo Wenesija

1254

moli ma tomo Wenesija

1324

mama jan Nikolo Polo (mije)

jan Mako Polo (Marco Polo) li jan tawa li jan esun tan ma tomo Wenesija. ona li tawa lon nasin pi len mani lon poka pi mama mije ona lon poka pi mije sama pi mama mije ona. ona li kama tawa ma mute lon ma Asija lon nasin ni. ona li kama tawa ma lon poka pi sike kipisi kasi tawa ma Ilan tawa ma Asija insa tawa ma Sonko. ona li toki tawa jan lawa Kupi (Setsen Khan Kublai) li pali toki tan ona. tenpo mute li tawa la, ona li kama sin tawa ma Elopa. ona li toki pi tawa ona la, jan sitelen li sitelen pi toki tawa ona. nimi pi lipu sitelen ona li lipu "Livres des Merveilles du Monde" (toki sona pi ma ali) anu lipu "Il Milione" (nanpa suli). taso tenpo ni la, jan mute li kepeken e nimi ni: "lipu pi tawa pi jan Mako Polo".

tenpo pini ni la, jan pi nanpa lili tan ma Elopa li kama tawa ma Sonko. sitelen toki ona li pana e sona mute pi ma Asija tawa jan pi ma Elopa. tawa ona li suli tawa jan tawa pi tenpo kama.[1]

tawa ona[o ante | o ante e toki ilo]

sitelen ma pi tawa pi jan Mako Polo
Under construction icon-yellow.svg lipu ni li pini ala li wile e pali. sina ken pini e ona.

tenpo sike nanpa 1271 la, mama mije ona (jan Nikolo Polo) en mije sama pi mama mije ona (jan Mapejo Polo) li weka e ma tomo Wenesija lon poka jan Mako Polo. tenpo ni la, ona li lon e tenpo sike pi nanpa  luka luka luka tu wan (ni li 17 kepeken nasin nanpa pona). ona li kepeken e tomo tawa telo la, ona li kama tawa ma tomo Ake lon ma Pilisin. ma ni la, ona li toki tawa jan Tejopalo Wikonsi. jan ni li kama jan lawa sin pi kulupu Katolika. nimi lawa ona li jan lawa Kekoliju nanpa luka luka. jan Nikolo en jan Mapejo li lon ma Sonko lon tenpo pini. jan lawa Kupi li pana e lipu sitelen tawa ona tan ni: ona li wile pana e lipu ni tawa jan lawa pi kulupu Katolika. ona li pana e lipu tawa jan lawa Kekoliju. jan lawa Kekoliju li lukin e lipu. ona li pana e lipu sin tawa jan Nikolo en jan Mapejo en jan Mako tan ni: ona li wile pana e lipu tawa jan lawa Kupi. tan ni la, ona li weka e ma tomo Ake li tawa e ma Sonko lon open suno.

tan sona[o ante | o ante e toki ilo]