jan Mikelanselo

lipu ni li pini ala li wile e pali. sina ken pini e ona.

sitelen ni pi jan Mikelanselo li tan jan Taniele Ta Poltela (Daniele Da Volterra)

jan Mikelanselo (toki Italija: Michelangelo di Lodovico Buonarroti Simoni) li kama sin lon tenpo sike nanpa 1475, li moli lon tenpo sike nanpa 1564. ona li jan musi, li jan pi pali kiwen, li jan pi sitelen kule, li jan pi sona pi pali tomo, li jan pi musi toki. ona li kama tan ma tomo lawa Pilense (Repubblica di Firenze), li lawa mute e musi pi ma pi poka suno pini. pali ona li wawa li suli tawa tenpo pini ni. jan Lejonato pi ma Winsi taso li suli sama ni.

jan mute li sona mute e sitelen kule ona, e kiwen musi ona, e tomo pali ona. jan Mikelanselo li musi mute, li toki mute kepeken lipu tawa jan ante, li pali mute e sitelen pi pini ala, li pana mute e pilin ona lon sitelen la, ona li jan musi nanpa wan lon tenpo ona tawa sona pi jan sona. tenpo sike ona nanpa 30 li kama la, ona li pali e musi Pijeta (Pietà), e musi Dawi (David). ona li toki ike e musi pi sitelen kule. taso ona li pali e sitelen suli tawa sinpin kiwen kin. ona li sitelen e musi sewi lon sinpin sewi pi tomo sewi Sisina (Cappella Sistina) lon ma tomo Loma, e musi sewi lon sinpin lon poka pi supa sewi lon tomo sama. ona li sitelen e nasin pali tawa tomo Lawensijana pi lipu sona (Biblioteca Medicea Laurenziana) la, ni li open e nasin sin pi pali tomo.