sina ante e lipu "kalama musi"

[[sitelen:Traditional Croatian Musicians.jpg|thumb|250px|jan ni li pana kalama musi kepeken ilo kalama]]
'''kalama musi''' li [[musi]] kepeken [[kalama]]. jan li pali kalama pona lon tenpo tawa pana kalama musi. kalama musi li lon [[nasin kulupu]] jan ali.

jan li ken pana e kalama musi kepeken uta anu [[ilo kalama]]. kalama musi mute li jo e [[kalama musi toki|toki]], taso kalama musi ante li jo ala e toki. kalama mute ken lon e kalama musi. kalama ale ala li kalama musi. taso jan li pana e kalama lon tenpo, kepeken sona pi kalama musi la, ona li ken pana e kalama musi pona. kalama musi ni li ken namako e nena kute.

ona li nasin mute pi kalama musi. kalama musi mute li pana tan ni: pali wan. mute pi pali wan ni li pali pi [[nasin sewi]] anu pali lon [[tomo tawa telo]]. taso, kalama musi mute li pana tan ni: ona li musi taso.

kalama musi li suli tawa nasin jan mute. tenpo ni la, [[esun]] pi kalama musi li suli.

==tenpo pini==
tenpo {{nimi|majuna}} suli la, jan li pali e kalama musi. jan pi tenpo ni li kama jo e ilo kalama tan [[tenpo pi sitelen ala]] lon anpa ma.

[[sitelen toki]] li kama la, sitelen toki li toki pi kalama musi. jan li sona e sitelen toki sona tan tenpo ni pi kalama tan [[ma Palata]] tan [[ma Elena]] tan [[ma Sonko]] tan [[ma Ilan]] kin. taso, sitelen lili pi awen kalama tan tenpo ni li lon. majuna la, sitelen kalama nanpa wan pi awen lon tenpo mi li [[kalama musi Uli]]. ona li kama tan tenpo sike 1400 BCE anu tenpo poka.<ref>[https://www.worldhistory.org/video/630/the-oldest-known-melody-hurrian-hymn-no6---c1400-b/ The Oldest Known Melody (Hurrian Hymn no.6 - c.1400 B.C.)] ''World History Encyclopedia''</ref>

==sitelen awen pi kalama musi==
===sitelen lipu===
[[sitelen:Adeste_Fideles_sheet_music_sample.svg|thumb|sitelen lipu pi kalama musi]]
[[sitelen:Adeste Fideles sheet music sample.mid|thumb|kalama musi ona]]
tenpo mute la, jan li awen e kalama musi kepeken nasin ni: sitelen e kalama lon lipu. tenpo la, ona li nasin mute pi sitelen e kalama musi. ona li jo e linja pi sitelen lili mute. tenpo ni la, nasin pi awen e kalama musi lon lipu li sama lon ma ali. tenpo open la, nasin ni kama tan [[ma Elopa]]. jan ken lukin e lipu ni en pali e kalama musi lon ona kepeken ilo kalama.

===sitelen kalama===
tenpo ni la, jan ken awen e kalama pi kalama musi kin. kalama musi li pali lon tenpo open la, ona li ken jo e kalama sama kin kepeken nasin ni (jan ken awen e kalama ante kepeken nasin ni). sitelen pi kalama awen li kama lon tenpo suli nanpa 19. tenpo ni la, sitelen pi kalam awen li suli mute tawa nasin ni: jan li kute e kalama musi.

==nasin pi kalama musi==

===ilo pi kalama musi===
<gallery>
Mehter_davul.jpg|jan li kalama kepeken [[poki kalama]]
</gallery>
jan li ken pali e kalama musi kepeken [[ilo kalama]] ale.
===kalama musi uta===
<gallery>
Freddie Mercury performing in New Haven, CT, November 1977.jpg|[[jan Pesi Mekuli]]
Billie Holiday, Downbeat, New York, N.Y., ca. Feb. 1947 (William P. Gottlieb 04251).jpg|[[jan Pili Olite]]
</gallery>
kalama musi uta la, jan li pali e kalama musi kepeken [[kalama uta]] ona. kalama musi uta li ken jo e [[toki]] kin. kalama musi toki li suli tawa kalama musi. ona li ken jo e jan kalama wan anu jan kalama mute. 

==lon nasin jan==

[[kulupu:kalama musi|*]]