tenpo kama pi jan Jesu
tenpo Kisema (toki Inli: Christmas) anu tenpo Santa anu tenpo pana li tenpo suno musi lon ma mute. ona li lon tenpo suno nanpa 25 pi tenpo mun nanpa luka luka tu. tenpo suno ni la, jan pi nasin sewi Kolisu li toki e ni: jan Jesu li kama lon tenpo suno ni. tenpo Kisema li tenpo suno musi pi nasin sewi Kolisu, taso jan mute pi nasin sewi Kolisu ala li musi e ni lon ma ali. ni li tan ni: tenpo Kisema li kama suli tawa nasin kulupu lon ma mute.
open pi tenpo Kisema li kama tan tenpo musi ante lon tenpo lete. ni mute li tenpo Jule li tenpo Satunalija li tenpo suno lili nanpa wan.
tenpo Kisema, jan li pana e ijo tawa jan pona e jan pi kulupu mama ona. pali ante lon tenpo Kisema li moku li kalama musi li kepeken ijo namako lukin pi tenpo Kisema (sama e kasi suli Kisema) li kama tawa kulupu lon tomo sewi pi nasin sewi Kolisu. jan mute li pali e pali musi musi ante lon tenpo Kisema. jan mute li toki e ni: jan Santa li kama tawa pana ijo pona tawa jan lili lon tenpo pimeja pi kama Kisema.