kulupu Lamusitan

kulupu Lamusitan (toki Tosi: Rammstein) li kulupu pi kalama musi kiwen. ona li tan ma Tosi. jan mute li sona e ona tan ni: ona li kalama tawa jan ante la ona li jo e seli mute. ona li jo e seli tawa ni: seli li musi mute. nimi Rammstein li tan ni: ma tomo Ramstein-Miesenbach. tomo tawa kon li lon ma tomo ni li pali e ni: jan mute li moli.

jan lon kulupu ni

jan Till Lindemann li jan pi kalama uta. jan pi ilo pi kalama musi kiwen li jan Richard Z. Kruspe li jan Paul H. Landers (ilo pi kalama musi kiwen li jo e linja tu tu tu). jan pi ilo pi kalama musi anpa li jan Oliver Riedel (ilo ni li jo e linja tu tu). jan Christian Lorenz li jan pi ilo pi kalama musi walo (ilo ni li ala jo e linja). taso ona li jo e nena mute. jan Cristoph Schneider li jan pi kalama musi utala.

sitelen ona

tenpo mute la sitelen ona li lon toki Tosi. jan Oliver Schneider li toki e ni: "toki kanse li toki olin la toki Tosi li toki pi pilin moli." sitelen ona li musi pimeja. ona li pilin e ni: unpa li musi mute. taso ken la jan li ken ala sona e musi ni.