lipu "kute ala" la tenpo tu la ante li ni
No edit summary |
l (Ddrahoslav moved page jan pi kute ala to kute ala) |
ante ala
| |
Revision as of 2019-04-30T14:14:00
jan pi kute ala anu jan pi kute ike li ken ala kute anu ken kute ike.
jan ni li ken ala kute e toki jan li kepeken toki luka.
ona li ken pilin taso tan ni: ona li ken ala toki tawa jan ante.
tan
tan pi kute ala li mute.
jan li kama suli la kute ona li ken kama ike. jan ni li ken jo e ijo pi pona kute.
jan li ken pakala anu weka e kute ona tan ni: kalama pi suli ike li lon.
jan lili li ken kute ala tan ni: ona li lon mama la ijo ike li lon.
ijo ike ante li ken pakala e kute jan.
nasin pona
jan pi kute ike li ken kepeken ijo pi pona kute. ijo ni li pona lili e kute ona kepeken ni: kalama li kama suli.
ijo sona li ken pali e ni: ona li kute e toki la ona li sitelen e toki ni. ni li pona tawa jan pi kute ala tan ni: ona li ken lukin e sitelen ni.
jan pi kute ala li ken lukin. tan ni la ona li kepeken toki luka.
jan pi kute ala li ken kama sona e ni: ona li lukin e uta pi jan toki la ona li sona e toki ona. taso ni li ike: jan li kalama e nimi la nimi mute li lukin sama lon uta ona.