sina ante e lipu "lipu 1984"

[[ijo:1984-Big-Brother.jpg|thumb|tenpo ale la, jan suli li lukin e sina]]
{{nimi ijo|'''lipu 1984'''|Nineteen Eighty-Four|toki Inli}} li [[lipu pi tenpo kama ken]] tan {{nimi ijo|[[jan So Owe]]|George Orwell}}. tenpo sike nanpa 1948 la ona li lon e lipu 1984. ona li toki e ni: tenpo sike nanpa 1984 la, lawa li lawa e ale, li lukin e ale pi jan ale.

jan lipu nanpa wan li {{nimi ijo|jan Winson Sumi|Winston Smith}}. kulupu lawa la ona li pali, taso len la, ona li wile pakala e kulupu lawa. ona li olin e jan poka pali, e {{nimi ijo|jan Julija|Julia}}. lawa li ike tawa jan Julija kin. 

pini pi lipu 1984 la kulupu lawa Insake (''Ingsoc)'' li pakala e jan Winson e jan Julija la jan Winson li toki e ni: "kulupu lawa Insake li pona a!" ni la jan Winson li ken ala lawa e jan Winson. kulupu lawa Insake li lawa e jan Winson.

== toki Tokisin ==
lipu la, lawa li pali e {{nimi ijo|toki Tokisin|Newspeak}}. ona li weka e nimi mute tawa pona toki. jan li ken wan e nimi mute. [[toki Inli]] la, nimi mute tawa ijo wan li lon: "pona mute a" la, ''"{{toki ante|excellent}}"'' en ''"{{toki ante|fabulous}}"'' en ''"{{toki ante|fantastic}}"'' en nimi ante li lon. toki Tokisin li weka e ona, li pana e nimi ''"{{toki ante|doubleplusgood}}"'' ("pona namako tu").

suli la, ona li weka e ken toki pi wile pi pakala lawa{{ike|tan toki Inli}}, tawa ni: [[nasin ken Sapi-Wa]] la, jan li ken ala toki insa e wile la, ona li ken ala wile e ona. nimi "ken" li kama {{nimi ijo|"pi toki insa ike"|"crimethinkful"}}. ona li ante e toki insa kepeken nasin ante kin: {{nimi ijo|"unpa pona"|"goodsex"}} li unpa tawa pali pi jan lili taso, li tawa ala pilin pona.

jan mute li toki e ni: [[toki pona]] li sama toki Tokisin. toki pona li toki sin kin, taso lawa li pana ala e ona tawa jan. ona li ante e lawa sina kin, taso ona li wile pona taso e toki insa.

[[kulupu:lipu]]
[[kulupu:toki musi]]