lipu 1984
lipu 1984 (toki Inli: Nineteen Eighty-Four) li lipu pi tenpo kama ken tan jan So Owe (George Orwell). ona li pali e ona lon tenpo sike nanpa 1948. ona li toki e ni: tenpo sike nanpa 1984 la, lawa li lawa e ale, li lukin e ale pi jan ale.
jan lipu nanpa wan li jan Winson Sumi (Winston Smith). ona li pali lon kulupu lawa, taso len la, ona li wile pakala e ona. ona li olin e jan poka pali, e jan Julija (Julia). lawa li ike tawa ona kin.
toki Tokisin
lipu la, lawa li pali e toki Tokisin (Newspeak). ona li weka e nimi mute tawa pona toki. jan li ken wan e nimi mute. toki Inli la, nimi mute tawa ijo wan li lon: "pona mute a" la, "excellent" en "fabulous" en "fantastic" en nimi ante li lon. toki Tokisin li weka e ona, li pana e nimi "doubleplusgood" ("pona namako tu").
suli la, ona li weka e ken toki pi wile pi pakala lawa[tan toki Inli], tawa ni: nasin ken Sapi-Wa la, jan li ken ala toki insa e wile la, ona li ken ala wile e ona. nimi "ken" li kama "pi toki insa ike" ("crimethinkful"). ona li ante e toki insa kepeken nasin ante kin: "unpa pona" ("goodsex") li unpa tawa pali pi jan lili taso, li tawa ala pilin pona.
jan mute li toki e ni: toki pona li sama toki Tokisin. toki pona li toki sin kin, taso lawa li pana ala e ona tawa jan. ona li ante e lawa sina kin, taso ona li wile pona taso e toki insa.