ma Okajoma

ma Okajoma Oklahoma
ma lili
len ma	sitelen lawa
ma tomo lawa	ma tomo Okajoma
ma suli	ma Mewika
toki lawa	toki Inli
ISO 3166	US-OK

ma Okajoma (kalama pi toki pona la /ˈokajoma/ [en]; toki Inli: Oklahoma, kalama li /ˌoʊkləˈhoʊmə/; toki Sata [en]: Oklahumma, kalama li [oklahómma]; toki Seloki [en]: ᎣᎧᎳᎰᎹ anu Okalahoma, kalama li [ògàlàhǒːmã́]) li ma lili pi ma meso anpa [en] pi ma Mewika. ma li lon ala poka pi telo suli li lon poka pi ma lili luka wan ante ni: ma Tesa lon ma anpa, lon ma weka suno en ma Kansa lon ma sewi en ma Misuwi lon ma sewi pi ma kama suno en ma Akanso lon ma kama suno en ma Numesiko lon ma weka suno en ma Kolowato lon ma weka suno pi ma sewi. ma Mewika la ma kama suno li lon. ma anpa pi ma kama suno li lon. ma sewi pi ma anpa pi ma kama suno [en] li lon. toki Inli la ni li nimi Upland South. ma Okajoma li lon ma weka suno pi ma ni. mute suli pi ma lili pi ma Mewika la ma Okajoma li nanpa mute. mute jan la mute luka tu wan. toki Inli la jan Okajoma li nimi Oklahoman. nimi pi ma Okajoma li tan toki Sata li tan nimi okla, tan nimi humma. kon pi nimi tu li "jan loje". toki Inli la jan li toki tawa jan pona la ona li ken kepeken nimi The Sooner State. nimi li tan kulupu Suna. kulupu li ni: jan mute li tawa ma Okajoma lon tenpo kama pi tenpo ken li kama jo kepeken ala wile e ma pi jan. jan ni li tenpo nanpa wan pi ma Mewika. taso la sike nanpa 1889 la kulupu lawa Mewika li toki e ni: tenpo ni la jan ale li ken lon ma Okajoma. ni la ma li weka tan jan mute pi tenpo nanpa wan li tawa jo pi jan mute pi kulupu mama tan ma Elopa. ijo ni li nimi pana ma wile ala pi sike nanpa 1889 li nimi tawa wawa ma Okajoma pi sike nanpa 1889. toki Inli la li Indian Appropriations Act of 1889 li Land Rush of 1889.