ma Pasila
ma Pasila li ma lon ma Amelika seli. toki lawa pi ma Pasila li toki Potuke. jan Pasila pi kute ala li toki e toki luka Pasila. toki Potuke la nimi ona li Brasil.
| ||
| kalama musi lawa: Hino Nacional Brasileiro | ||
| ma tomo lawa | ma tomo Pasilija | |
| toki lawa |
toki Potuke en toki luka Pasila | |
jan pi toki pona la nimi ni li ma Pasila, taso kalama pi jan Pasila la nimi ni li ma Pasiju.
ma Pasila li ma suli. ma Pasila li lon poka ma mute ni: ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse.
ma Pasila li jo e ma tomo suli mute ni: ma tomo San-Palu en ma tomo Lijo-Sisa-Nelu en ma tomo Pasilija (Pa-Silija) en ma tomo Sawa-To en ma tomo Pota-Lesa en ma tomo Peloli-Son en ma tomo Ma-Nasu.
ma tomo Pasilija li ma tomo lawa pi ma Pasila.
tenpo pini la ma Potuke li lawa e ma Pasila.
jan Pasila li ken musi pona e sike noka. sike noka li pona mute tawa jan Pasila.