ma Pasila
ma Pasila (nimi ona li Brasil lon toki Potuke; sitelen kalama IPA la kute lon toki Potuke li [bɾaˈziw]) li ma lon ma Amelika seli. toki lawa pi ma Pasila li toki Potuke. jan Pasila pi kute ala li toki e toki luka Pasila (toki Libras).
ma Pasila
Brasil | |
---|---|
len ma |
sitelen lawa |
kalama musi ma
| |
ma tomo lawa | ma Pasilija |
toki lawa | toki Potuke, toki luka Pasila |
mani | Real (R$) |
ISO 3166 | BR |
lipu ilo | https://www.gov.br |
jan pi toki pona la nimi ona li ma Pasila, taso kalama pi jan Pasila la nimi ona li ma Pasiju (Pa-Siju).
ma Pasila li ma suli. ma Pasila li lon poka ma mute ni: ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse. ma Pasila li lon poka e telo suli Alansi.
ma Pasila li jo e jan mute e kulupu ante mute, tan jan sin tan ma ante.
ma Pasila li jo e kasi mute e soweli mute e akesi mute e kala mute e pipi mute. ma li jo e ma kasi Amasonja e ma kasi telo Pantana e ma kasi pi seli lili Katinka e ma kasi Mata Atantika e ma kasi Selatu e ma mute ante. pakala pi ma kasi ni li ike tawa ma ale.
sona tenpo
tenpo pini lon poka ale tawa tenpo ni la, jan li lon ma Pasila. jan Petu Awali Kapa tan ma Potuke li kama sona e ma Pasila lon tenpo pi sike suno nunpa 1500. sike suno nunpa 1530 tawa nunpa 1822 la, ma Pasila li ma pi kepeken ijo tawa ma Potuke. tenpo poka pini la, ma Pasila en ma Potuke li sama tawa ma pi jan lawa pi ma Potuke, taso, sike suno nunpa 1822 la, ma Pasila li kama wan taso. tenpo open la, jan wan li jo e wawa ale, taso, sike suno nunpa 1889 tawa tenpo ni la, jan ale li ken lawa.
ma lili
- ma lili Ake (Akile)
- ma lili Alakowa (Ala-Kowasi)
- ma lili Amapa (Ama-Pa)
- ma lili Amasonja (Ama-Sonasi)
- ma lili Pa Ia
- ma lili Sejala (Seja-La)
- ma lili lawa
- ma lili Epilitu Santu (Esi-Pilitu Santo)
- ma lili Kojasi (Ko-Jasi)
- ma lili Malanjan (Malan-Jan)
- ma lili Matu Kosu
- ma lili Matu Kosu anpa (Matu-Kosutu-Su)
- ma lili Minaselasi (Minase-Lasi)
- ma lili Pala (Pa-La)
- ma lili Pala Ipa
- ma lili Palana (Pala-Na)
- ma lili Penanpuku (Penan-Puku)
- ma lili Pijawi (Pija-Wi)
- ma lili Liju (Liju-Sisa-Nelu)
- ma lili Liju Kan sewi (Liju-Kansitu-Nosi)
- ma lili Liju Kan anpa (Liju-Kansitu-Su)
- ma lili Lontonja (Lon-Tonja)
- ma lili Lolama (Lo-Lama)
- ma lili Santa Katalina (Santa Kata-Lina)
- ma lili San Palu
- ma lili Sesipi (Se-Sipi)
- ma lili Tokansin (Tokan-Sin)
ma tomo
ma Pasila li jo e ma tomo suli mute ni: ma tomo San-Palu en ma tomo Liju-Sisa-Nelu en ma tomo Pasilija (Pa-Silija) en ma tomo Sawa-To en ma tomo Pota-Lesa en ma tomo Peloli-Son en ma tomo Ma-Nasu.
ma tomo Pasilija li ma tomo lawa pi ma Pasila.
ante
jan Pasila li ken musi pona e sike noka. sike noka li pona mute tawa jan Pasila.