ma tomo Nujo

ma tomo Nujo New York
ma tomo
len ma	sitelen lawa
ma suli	ma Mewika ma wan Nujo
lipu ilo	NYC.gov

ma tomo Nujo (toki Inli New York City, anu New York taso) li lon ma Mewika. ona li suli mute. ma Mewika la, ma tomo ante li jo e jan pi mute lili. ma tomo Nujo li jo e jan pi mute suli. mute ni li 8,336,817 tan sona pi tenpo sike nanpa 2019(anu la, ona li ante lili lon tenpo ni). jan pi ma tomo Nujo li lon poka mute. ma ante la, ona li lon ante. tomo suli palisa pi jan mute li lon ma tomo Nujo. ona li lon ma Nujo suli.

ma kipisi luka li lon ma tomo Nujo. ona li ma kipisi Panka (toki Inli: the Bronx), li ma kipisi Kinsi (toki Inli: Queens), li ma kipisi Pukilin (toki Inli: Brooklyn), li ma kipisi Manatan (toki Inli: Manhattan), li ma kipisi telo Satin (toki Inli: Staten Island). ma la ma kipisi Kinsi li suli mute. kulupu la ma kipisi Panka li nanpa wan. ma kipisi Manatan li mani mute.

tan nimi

nimi Nujo li tan jan lawa pi ma Joko (toki Inli the Duke of York).

tenpo pini

tenpo pini mute la, kulupu mute li lon. ona li tan ma ni. ona li tan kulupu Akonkin. jan mute tan ma Elopa li kama. jan tan ma Netelan li kama lawa e ma tomo Nujo. nimi pi ma tomo Nujo li ma tomo Nuwanpatan. jan tan ma Inli li kama jo e lawa tan jan Netelan li ante e nimi.

jan mute li kama tawa ma Mewika tan ma Elopa. ona li kama sin tawa ma telo Eli lon poka pi ma tomo Nujo. tan ni la, ma telo Eli li suli tawa jan Mewika mute.