meli sijelo
meli li ni: jan en soweli en kala en waso en akesi en pipi li jo e lupa meli. soweli meli li ken jo e nena sinpin.
unpa
meli li soweli anu kala anu waso anu akesi anu pipi pi ni: ona li ken unpa e mije la meli li pana e soweli lili.
meli li ken pana e soweli lili kepeken nasin ante mute ni:
- soweli la meli li kama jo e telo mije lon insa ona. tenpo kama la lili li kama tan lupa li kama lon.
- akesi anu waso la meli li pana e poki sike pi telo mije lon poki. tenpo kama la lili li pakala e poki sike li kama tan ona li kama lon.
- kala la meli li pana e poki sike kala. tenpo kama la lili li kama lon
- pipi la meli li pana e poki jaki. tenpo kama la pipi lili li pakala e jaki li kama lon.
lukin ona
meli li ken lukin sama mije li ken lukin ante mije li ken suli li ken lili. taso meli li jo e lupa meli. soweli pi moku pi telo walo la meli li jo e nena sinpin tan ni: nena li pana e telo moku.
soweli
soweli la meli li ken lukin sama mije li ken lukin ante mije.
kala
kala mute la meli li lukin sama mije.
waso
waso la meli li ken lili li jo e kule lili. kin la waso meli li ken jo e kule lili.
pipi
pipi la meli li ken lukin ante pipi mije.
akesi
akesi la meli li lili. mije li suli.
jan
jan la meli li jo e lupa meli e nena sinpin.