meli sijelo
jan li lukin e jan, e soweli, e akesi, e waso, e kala, e pipi. jan li kulupu toki e ona tawa nimi tu wan. meli, mije en tonsi.
meli li nimi wan pi ni tu wan.
ni ale (jan, soweli, ...) la, meli li ante. taso li sama lili.
sijelo
sijelo meli en sijelo meli en sijelo tonsi li ken ante.
jan la
jan la, sijelo meli li jo e lupa jan e nena sijelo sinpin tu e ante lili mute. taso meli ali li jo ala e ni ali. meli li ken jo e wan e tu e mute. kin la, meli li ken jo ala e ni, li ken jo e ante. taso meli mute li jo e ali ni.
meli en mije en tonsi la, kalama toki li ante. taso jan li wile la, ona li ken ante e kalama toki ona.
meli mute li ken kama e jan sin tan insa pi sijelo ona, tan lupa jan ona. taso meli mute li ken ala. ona li kama e jan sina la, ona li mama. jan sin li jan lili.
nasin ante
soweli en akesi en waso en kala en pipi la, ni li sama. meli pi mute ni li ken kama e soweli sin e akesi sin e waso sin e kala sin e pipi sin. taso kala wan la, mije li kama e kala sin.
meli li ken kama e sin lili kepeken nasin ante mute ni:
- soweli la, meli li kama jo e telo walo pi kama mama lon insa ona. tenpo kama la, lili li kama tan lupa li kama lon.
- akesi anu waso la, meli li pana e poki sike pi telo mije lon poki. tenpo kama la ,lili li pakala e poki sike li kama tan ona li kama lon.
- kala la, meli li pana e poki sike kala. tenpo kama la, lili li kama lon
- pipi la, meli li pana e poki jaki. tenpo kama la, pipi lili li pakala e jaki li kama lon.
ni la, jan li sama soweli.
meli soweli en meli jan la, nena sijelo sinpin li pana e telo walo mama tawa soweli lili (anu jan lili). meli jan li jo e ni la, ona li jo e tu. meli soweli ante li jo e nanpa ante.
kulupu jan / nasin jan
kulupu jan la, meli en mije en tonsi li ante. tan li ken ni: ona li wile. anu la, tan li ken ni: ona o ante.
kulupu Ewope en kulupu pi tan kulupu ni la, meli mute li jo e linja suli e len noka open e len kule mute. meli li ken nasin ante, li ken jo e linja lili e len noka noka e len pi kule ala. taso meli mute li nasin wan. kin la, kulupu li toki e ni: "nasin wan li pona".
kulupu Awapi la, meli li jo e len lawa. jan ante li ken ala lukin e linja ona.
taso meli ali li jo ala e ali ni. kulupu li ike la, meli li jo ala e ni la, kulupu li ike tawa ona. kulupu pona li pona tawa jan ali, tawa meli pi nasin ante.
kin la, kulupu li pana e sona ante tawa meli, tawa mije. (kulupu li toki e ni tawa tonsi: "sina meli/mije", li pana ala e sona tonsi tawa ona. taso ni li kama ante).
kulupu mute ante li ike e meli. nasin pi wawa meli li wile ante e ni.
lukin ona
meli li ken lukin sama mije anu sama tonsi, li ken lukin ante tan mije anu tan tonsi
ante ni li ken ni: meli li ken kule ante, li ken linja ante, li ken sijelo ante. kin la, mije anu tonsi la, meli li ken suli, li ken lili.
soweli
soweli la meli li ken lukin sama mije li ken lukin ante tan mije anu tonsi. soweli mute la, mije li suli, meli li lili.
kala
kala mute la, meli li lukin sama mije.
waso
waso la, meli li ken lili li jo e kule lili.
sitelen ni la meli li lon sewi. mije li lon anpa.
meli li jo e kule lili. mije li jo e kule mute li lukin suli.
mije li jo e kule mute. meli li jo e kule lili.
pipi
pipi la, meli li ken lukin ante tan pipi mije.
meli li walo
mije li walo en jelo
.jpg)
akesi
akesi la, ni li sama soweli.
jan
jan la, meli li ken lukin ante tan kulupu jan / nasin jan, tan sijelo. taso meli en mije en tonsi li ken lukin sama.