musi pi jan Malijo
jan Malijo li jan musi lon musi ilo. tenpo sike 1982 la jan Mijamoto Sikelu li pali e ona lon musi Tonki Kon. nimi nanpa wan ona li 'jan Sanpuman' (mije pi tawa sewi). tenpo sike 1985 la musi Supa Malijo Bulasasu (mije sama Malijo wawa) li kama. jan Malijo li lon musi ilo mute 200.
musi ni la jan Malijo li ken tawa sewi kepeken noka ona. jan Malijo li tawa anpa lon lawa monsuta la jan Malijo li ken moli e ona. monsuta ni li soko Kunpa (toki Nijon la soko Kulipo) li akesi Kupa (monsuta Nokonoko) li monsuta mute ante. jan Malijo li kama jo e wawa ante la jan Malijo li ken moku e ijo wawa (toki Inli: power-up) ante. jan Malijo li moku e soko la jan Malijo li kama suli. jan Malijo li moku e kasi kule seli la jan Malijo li ken pana e sike pi kon seli suno. jan Malijo li moku e mun la ijo li ken ala pakala e jan Malijo.
jan Malijo li jan pi ma Italija. jan pi mama sama pi jan Malijo li jan Luwiki.