musi pi sike palisa tan ma Mewika

lipu ni li toki lon musi pi ma Mewika taso. sina wile sona lon musi pi ma ale la, o lukin e lipu ni: musi pi sike noka.

jan li kama jo e sike noka lon ma pini

musi pi sike palisa tan ma Mewika (toki Inli: American Football) li musi sijelo li musi sike. jan li musi e ona lon ma Mewika. ona li musi sijelo nanpa wan tawa jan pi ma ni. musi sama la, musi ni li ante mute li suli mute. jan pi musi ni li anpa li utala lili la, musi pi sike ante li jo ala e ni.

toki Inli pi ma Mewika la, nimi pi musi ni li ni: "musi pi sike noka". ma ante la, toki Inli la, nimi pi musi ni li ni: "musi pi sike noka tan ma Mewika", tan nimi pi ma ante li musi ante pi sike noka.

jan pi musi ni li lon nasin mute. jan ken musi pona e musi ni, ona li lon kulupu nanpa wan pi musi pi sike palisa pi ma Mewika (toki Inli: National Football League, NFL). kulupu mute luka luka tu pi musi ni li lon.