pipi len

pipi len (kulupu Awanije (Araneae)) li pipi lon kulupu Awakita (Arachnida). ona li ken pali e len kepeken nena lili lon anpa ona. pipi len li ken suli li ken lili. ona li moku e pipi ante. mute lili pi pipi len li ken moku e soweli lili e akesi lili e kili. kiwen uta ona li ken pana e telo moli.

jan mute li pilin monsuta tan pipi len. taso, mute lili pi pipi len li ken pakala e jan. moli tan pipi len li nasa li mute lili. pipi len li wile ala uta e jan. ona li uta taso tan ni: ona li pilin monsuta.