sike telo suli

sitelen:tp-hurri.jpg

sike telo suli li kama pi telo sewi mute. ni li ijo pi suli mute. ni li ike.

tan

tenpo seli la sike telo suli li kama. ni li kama tan telo seli lon telo suli. telo suli li pana e kon telo seli. kon telo seli li tawa. kama ni li pana e sike kon. kon telo li pana e telo sewi. sike ni li kama pi suli mute.

kama pi sike telo

sike telo li tawa li pakala e ma. ni li pakala e ma tomo e jan. sike telo li moli e jan mute. sike telo li wawa mute.

sike telo pi sona mute

sike telo Katelina li sike telo pi telo suli Alansikun. ni li pakala e ma tomo Nujolinsi (New Orleans).

sike telo Sansi li sike telo pi telo suli Alansikun. ni li pakala e ma tomo Nujoke (New York). jan mute li pana e nimi tawa sike telo ni. nimi ni li "sike telo monsuta".

sike telo Patelisija li sike telo pi wawa pi nanpa wan. ni li lon telo suli Pasipikun li lon ma Mesiko.

sike telo mute mute li lon ma Asija kin.