sina ante e lipu "sitelen Ansi"

'''sitelen Ansi''' (''[[toki Sonko]]'': 汉字/漢字/Hànzì, ''[[toki Nijon]]'': 漢字/Kanji, ''[[toki Anku]]'': 漢字/Hanja, ''[[toki Wije]]'': 漢字/Hán tự) anu '''sitelen Sonko''' li [[nasin sitelen]] pi toki Sonko. nimi "Ansi" li toki e ni: "sitelen pi toki An". ona li kepeken [[sitelen toki nimi|sitelen nimi]].

sin la, toki ante mute li kama sitelen kepeken sitelen Kansi.

== toki Sonko ==
[[sitelen:Hanzi.svg|thumb|150px|sitelen Ansi pi tenpo pini (pimeja) en sitelen Ansi pona (loje)]]
tan pi sitelen Ansi li kama lon [[ma Sonko]] lon tenpo pini suli. jan li kama jo e sitelen lon [[kiwen sijelo]] soweli tan tenpo poka e tenpo sike 1200 BCE. sitelen ni li kepeken "[[nasin sitelen pi kiwen sijelo]]"<!--oracle bone script-->.jan sona li pilin e ni: ni li mama pi sitelen Ansi.

tenpo mute mute la, [[kulupu toki Sonko]] li toki wan taso kepeken sitelen Ansi. taso, sitelen Ansi pi [[toki Kantun]] en [[toki Ju]] li lon kin.

tenpo sin la, jan li kepeken sitelen Ansi pi nasin tu lon toki Sonko. ni li sitelen Sonko tan tenpo pini li sitelen Sonko pona. tenpo ni la, nasin sitelen Sonko pona li kepeken lon [[ma suli pi ma Sonko]] en [[ma Sinkapo]]. sitelen Sonko tan tenpo pini li kepeken lon [[ma Tawan]] en [[ma Enkon]] en [[ma Omun]].

== toki Anku ==

[[toki Anku]] li kepeken sitelen Sonko (anu {{nimi ijo|sitelen Ansa|한자, 漢字, Hanja}} lon toki Anku) lon tenpo pini. taso, [[sitelen Anku]] li kama la, mute kepeken pi sitelen Kansi li lili. tenpo ni la, sitelen Ansa li kepeken lili lon toki Anku.

== toki Nijon ==

[[toki Nijon]] li open sitelen kepeken sitelen Kansi. tenpo pini kama la, jan li pali e {{nimi ijo|[[sitelen Ilakana]]|ひらがな / hiragana|toki Nijon}}, e {{nimi ijo|[[sitelen Katakana]]|カタカナ/ katakana|toki Nijon}}. tenpo ni la, toki Nijon li sitelen kepeken nasin sitelen tu wan ni. nimi mute li sitelen kepeken sitelen Kansi. nimi pi toki ante li sitelen kepeken sitelen Katakana. nimi lili pi ante nimi li sitelen kepeken sitelen Ilakana.

== toki Wije ==

[[toki Wije]] li open sitelen kepeken sitelen Sonko. sin la, jan li pali e [[sitelen Sunon]] tawa nimi sin. [[ma Kanse]] li lawa e [[ma Wije]] la, ona li pali e nasin sitelen sin kepeken [[sitelen Lasina]]. tenpo ni la, toki Wije li kepeken ala e sitelen Kansi.

== toki ante ==
kulupu jan ante li lon ma Sonko li toki e toki pi kulupu toki Sonko ala. toki mute ni li kepeken sitelen Ansi.

=== toki pona ===
jan mute ante li pana e nasin mute ante pi sitelen e [[toki pona]] kepeken sitelen Ansi. tenpo sike 2010 anu tenpo poka la, jan Mato li [http://tokipona.net/tp/ClassicWordList.aspx pana e sitelen Ansi pi nimi pi toki pona lon lipu ilo ona]. nasin ante li lon kin.

== ante pi toki ante ==

tenpo mute la, sitelen Ansi sama li toki e ijo sama lon toki ale ni. taso, kalama ona li ante.

sitelen "誠" li toki e ni: "jan pi toki lon". taso, kalama ona li "''chéng''" lon toki Sonko, li "''makoto''" anu "''sei''" lon toki Nijon, li "''eumhun''" anu "''seong''" lon toki Anku, li "''thành''" anu "''thiêng''" lon toki Wije.

[[toki ilo Juniko]] li jo e sitelen Ansi mute mute. tenpo sike 2021 la, nanpa pi sitelen Kansi lon [[toki ilo Juniko]] li 92,857.<ref>https://www.unicode.org/Public/UCD/latest/ucd/PropList.txt</ref>

== tan sona ==
<references/>

== nimi nasin sin ==

* [https://en.wikipedia.org/wiki/Chinese_characters lipi Wikipedia "sitelen Sonko"] (toki Inli), ona li toki e sitelen Kansi pi toki Sonko en toki ante
* [https://en.wikipedia.org/wiki/Kanji lipu Wikipedia pi "sitelen Kansi" pi toki Nijon] (toki Inli)

[[Kulupu:nasin pi sitelen toki]]