sitelen Kansi

sitelen Kansi (toki Sonko: 汉字/漢字 hànzì, kalama: /xan˥˩t͡sɹ̩˥˩/, toki Nijon: 漢字 kanji, kalama: [kã̠ɲ̟d͡ʑi]⁠, toki Anku: 漢字 hanja, toki Wije: 漢子 hán tự) anu sitelen Ansi anu sitelen Kan anu sitelen Sonko li nasin sitelen pi ma Asija. ona li kepeken sitelen nimi. open la ona li toki Sonko. toki Nijon kin li kepeken ona. tenpo pini la toki Anku en toki Wije li kepeken ona.

nimi 漢字 (Kansi) la sitelen 漢 li toki e kulupu Kan pi ma Sonko. sitelen 字 li nimi "sitelen".

toki Sonko

sitelen Kansi pi sijelo mute (pimeja) en sitelen Kansi pona (loje)

sitelen Kansi li open lon ma Sonko lon tenpo pini suli. jan li kama jo e sitelen lon kiwen sijelo soweli tan poka pi tenpo sike nanpa 1200 BCE. ni li "nasin sitelen pi kiwen sijelo". jan sona li pilin e ni: ni li open pi sitelen Kansi.

tenpo mute la kulupu toki Sonko li sitelen Ansi lon toki wan taso. toki ni li sama toki Puton pi tenpo lon. taso lili la jan li sitelen e toki ante pi kulupu Sonko kepeken sitelen Kansi. toki Kantun la ni li lili a ala.

tenpo poka la lawa pi ma Sonko li kama sin e sitelen Kansi ona. ona li alasa lili e pali wile sitelen. ni la nasin tu pi nasin sitelen Kansi li lon ma Sonko. ni li sitelen Kansi pi tenpo suli li sitelen Kansi pi tenpo poka. ma Sonko suli en ma Sinkapo en ma Malasija la nasin pi tenpo poka li suli. ma Tawan en ma Enkon en ma Omun la nasin pi tenpo suli li suli.

toki Anku

toki Anku li kepeken sitelen Sonko (anu sitelen Ansa (toki Anku: 한자, 漢字, Hanja)) lon tenpo pini. taso sitelen Anku li kama la mute kepeken pi sitelen Kansi li kama lili. tenpo ni la jan pi toki Anku li sitelen pi mute lili taso lon sitelen Ansa.

toki Nijon

toki Nijon li open sitelen la ona li kepeken sitelen Kansi. tenpo li tawa la sitelen Ilakana (toki Nijon: ひらがな, hiragana) en sitelen Katakana (toki Nijon: カタカナ, katakana) li kama lon. tenpo lon la toki Nijon li kepeken nasin sitelen tu wan ni. suli la nimi mute kon li kepeken sitelen Kansi. suli la nimi lili pi ante nimi en nimi pi tenpo mute li kepeken sitelen Ilakana. suli la nimi pi toki ante en nimi wawa li kepeken sitelen Katakana.

toki Wije

ⓘ lipu suli: nasin sitelen Non

toki Wije li open sitelen la ona li kepeken sitelen Kansi. jan li pali e sitelen Sunon tawa nimi sin. taso ma Kanse li lawa e ma Wije la ona li pali e nasin sitelen sin kepeken sitelen Lasina. tenpo ni la, toki Wije li kepeken ala sitelen Kansi.

sitelen Kansi pi toki pona

jan mute li kepeken sitelen Kansi lon toki pona. nasin mute ante li lon. tenpo sike 2010 anu poka la, jan Mato li pana e nasin wan lon lipu ilo ona.

pu

sitelen Lasina	Tensen Kijukiju	sitelen munjan	jan Josan	jan Mato (Nijon)	jan Mato (Sonko)	jan U	ener­vation	jan lili	Stule­Backery	sitelen Sonko pona	Will­Bane­Of­Gods	nasin pi kulupu Eko	Joe­Strout	Evil­kenevil77	sitelen Sonwa	sitelen Kanpun
a	丫	吁	啊	あ	啊	啊	ala	矣	阿	忄	啊	阿	啊	啊	亞	阿
akesi	虺	獸	龟	獣	龟	龍	ala	蜥	兽	乃	蜥	龍	蜴	龍	龟	龍
ala	无, 不非	無	不	無	不	勿	ala	非	不	乄	不	不	不	不	不	不
alasa	田	狩	ala	探	ala	集	ala	獵	觅	凥	狩	集	狩	集	弓	集
ale-ali	凣, 凡	全ale, 皆ali	全	全	全	全	ala	凡	丰ale, 全ali	亖	皆	全	全	全	凡	全
anpa	下	下	下	下	下	下	ala	下	下	丅	下	下	下	下	下	下
ante	异	異	变	变	变	差	异	異	变	卝	違	異	变	化	另	異
anu	或	若	或	ぬ	或	或	ala	或	又	丫	或	或	∨	或	或	或
awen	止	俟	守	待	守	等	ala	續	保	仄	待	待	待	留	守	待
e	乎	乎	把	え	把	作	着	于	向	冫	え	夷, 兮	⟫	向	个	兮
en	与	及	又	ん	又	與	和	與	并	十	和	與	+	ala	又	與
esun	市	市	ala	市	ala	市	市	易	店	品	店	市	店	商	市	市
ijo	什, 物	物	事	物	事	物	物	物	事	口	物	物	事	物	品	物
ike	歹	惡	歹	悪	歹	惡	坏	歹	歹	必	悪	惡	歹	惡	歹	惡
ilo	具, 仪器	器	匕	具	匕	具	具	器	具	尸	具	具	具	器	具	具
insa	内	內	内	内	内	內	ala	中	中	内	内	內	内	內	入	內
jaki	丑	汙	污	汚	污, 汙	污	ala	穢	丑	亽	汚	汚	汚	汚	污	汚
jan	人	人	人	人	人	人	ala	人	人	人	人	人	人	人	人	人
jelo	黄	黃	黄	黄	黄	黃	ala	黃	黄	昌	黄	黃	黄	黃	黄	黃
jo	有	有	有	有	有	有	ala	有	有	冋	有	有	有	有	有	有
kala	鱼, 泩	魚	鱼	ala	魚, 鱼	魚	ala	魚	鱼	只	魚	魚	魚	魚	鱼	魚
kalama	声, 音	音	音	音	音	音	ala	音	申	仒	音	音	音	音	音	音
kama	至	來	到	来	到	來	ala	至	至	們	来	來	来	來	至	來
kasi	木	草	木	木	木	木	植	木	艸	山	植	草	木	木	木	草
ken	可	能	能	能	能	能	ala	可	可	历	会	能	可	可	可	能
kepeken	用	以	用	使	用	用	ala	以	用	戸	使	用	用	用	用	用
kili	果	果	果	果	果	果	ala	果	果	可	果	果	果	果	果	果
kiwen	石	石	石	石	石	石	ala	石	石	吕	石	石	石	石	石	石
ko	膏	膏	膏	粉	膏	粉	ala	塵	尘	吅	泥	膏	糊	粉	高	膏
kon	空	氣	气	空	气	空	ala	空	气	彡	空	氣	气	風	气	氣
kule	色	色	色	色	色	色	ala	色	色	早	色	色	色	色	色	色
kulupu	团, 区	眾	组	群	组	眾	ala	合	团	仨	群	群	群	社	共	群
kute	听	聽	耳	聞	耳	耳	听	耳	耳	区	耳	耳	耳	聞	耳	耳
la	时	也	喇	ら	喇	則	啦	而	以	丿	ら	羅	⊃	主	然	羅
lape	眠, 困	寐	觉	眠	觉	眠	眠	眠	休	仅	眠	眠	休	眠	平	眠
laso	兰	青	青	青	青	青	ala	青	青	旵	青	靑	青	青	青	靑
lawa	首	主	首	首	首	首	ala	首	主	佃	頭	首	主	首	首	首
len	衣	衣	巾	布	巾	布	ala	衣	布	爪	布	布	布	衣	巾	布
lete	冰, 冷	寒	冰	冷	冰	冷	冷	寒	仌	肉	冷	冷	冷	冷	仌	冷
li	兮	者	哩	り	哩	是	又	則	为	乛	り	利	⟩	始	刂	利
lili	小	小	小	小	小	小	ala	小	小	丶	小	小	小	小	小	小
linja	丝	絲	糸	糸	糸	絲	线	絲	毛	乀	排	糸	糸	絲	糸	絲
lipu	页	葉	叶	葉	叶	小	纸, 页	頁	片	冃	枚	葉	片	片	叶	葉
loje	丹	赤	红	赤	红	紅	ala	紅	丹	旦	赤	赤	赤	赤	朱	赤
lon	于	在	在	在	在	於	ala	在	在	亼	在	在	在	在	在	在
luka	手, 五又	手	手	手	手	手	ala	手	手	卌	手	手	手	手	手	手
lukin	见, 视	見	看, 见	見	看, 见	見	ala	目	目	目	見	見	見	見	见	見
lupa	孔	穴	孔	穴	孔	ala	ala	孔	孔	門	穴	孔	穴	空	门	孔
ma	ala	邦	土	土	土	土	ala	地	土	田	地	土	土	土	土	土
mama	亲	親	母	母	母	母	ala	祖	守	囚	親	母	母	母	父	母
mani	币布	金	元, 贝	貝	元, 贝	錢	钱	錢	币	叉	钱	貝	金	金	元	貝
meli	女	女	女	女	女	女	ala	女	女	伈	女	女	女	女	女	女
mi	吾, 我	吾	我	私	我	我	ala	吾	己	乆	私	我	己	我	吾	我
mije	男	男	男	男	男	男	ala	男	男	仂	男	男	男	男	男	男
moku	食	食	菜	食	菜	食	食	食	食	叵	食	食	食	食	食	食
moli	亡	死	死	死	死	死	ala	死	死	网	死	死	死	死	亡	死
monsi	后	後	后	後	后	後	ala	背	后	凣	後	後	後	後	后	後
mu	叫	牟	吽	む	吽	哞	咪, 喵	鳴	声	弓	む	牟	吽	鳴	吽	牟
mun	月	月	月	月	月	月	ala	月	月	昍	月	月	月	月	月	月
musi	乐	樂	玩	楽	玩	樂	ala	悅	乐	灳	楽	樂	笑	樂	乐	樂
mute	々, 多	多	大	多	大	多	多	衆	多	三	多	多	多	多	多	多
nanpa	数	數	个	番	个	数	数, 第	數	第	井	数	第	第	號	井	第
nasa	狂	愚	怪	狂	怪	怪	ala	迷	异	㔾	変	奇	怪	狂	酉	奇
nasin	道	道	道	道	道	道	ala	道	道	八	方	道	道	法	辶	道
nena	击	山	山	丘	山	山	ala	出	山	凸	山	山	山	山	山	山
ni	名	此	这	此	这	此	ala	此	个	听	個	此	此	那	尼	此
nimi	击	名	名	称	名	名	ala	字	字	吝	名	名	名	名	名	名
noka	足	足	足	足	足	足	ala	足	足	儿	足	足	足	足	足	足
o	令	於	令	お	令	令	哎, 请	兮	区	忇	お	嗚	令	叫	令	嗚
olin	爱	愛	爱	愛	爱	愛	ala	愛	爱	怂	愛	愛	愛	愛	爱	愛
ona	伊	彼	他	彼	他	其	ala	其	其	亻	它	彼	彼	他	佢	彼
open	开	開	开	開	开	開	ala	始	开	冂	開	開	开	開	开	開
pakala	崩, 毁	敗	打	打	打	打	破	損	改	中	壊	破	破	破	列	破
pali	为	作	工	作	工	工	作	爲	作	尺	為	作	作	工	工	作
palisa	笞	杖	支	棒	支	棒	棍, 杖, 竿	枝	条	亅	棒	枝	杖	枝	支	枝
pan	ala	米	米	米	米	打	ala	穀	禾	扌	麦	米	禾	米	米	米
pana	出予	施	给	授	给	予	ala	予	发	叭	呉	授	与	給	予	授
pi	之	之	的	ぴ	的	之	ala	之	之	丨	之	之	π	之	之	之
pilin	以	感	想, 心	心	想, 心	心	ala	感	心	心	心	心	心	情	心	心
pimeja	黑	黑	黑	黒	黑	黑	ala	黑	黑	昃	黒	黑	暗	黑	玄	黑
pini	闭	竟	末	終	末	末	ala	終	了	冄	終	終	了	未	了	終
pipi	虫	蟲	虫	虫	虫	虫	ala	蟲	虫	非	虫	虫	虫	虫	虫	虫
poka	边	傍	旁	側	旁	側	ala	近	边	双	近	旁	側	跟	边	旁
poki	皿	皿	包	箱	包	包	ala	容	包	凵	箱	箱	包	箱	皿	箱
pona	善	善	好	良	好	好	ala	善	良	火	良	良	良	好	良	良
pu	ala	經	ala	ala	ala	ala	ala	經	书	忟	プ	樸	聖	書	經	樸
sama	同, 似	如	同	同	同	同	ala	似	同	卄	同	同	同	同	同	同
seli	火	溫	火	火	火	火	ala	火	火	义	火	火	火	火	火	火
selo	皮	皮	甲	皮	甲	外	皮	膚	外	风	皮	皮	皮	外	外	皮
seme	何	何	什	何	什	什	何	何	什	凶	何	何	何	何	什	何
sewi	上, 天	上	上	上	上	ala	ala	上	上	丄	上	上	上	上	上	上
sijelo	体	身	身	体	身	身	体	形	身	几	体	身	身	体	身	身
sike	丸	圓	回	丸	回	圓	圆, 圈	圓	回	回	〇	圓	回	円	年	圓
sin	新	新	新	新	新	新	ala	新	生	古	新	新	新	新	新	新
sina	尔	汝	你	君	你	你	ala	汝	尔	从	你	汝	友	你	尔	汝
sinpin	垣	壁	前	前	前	前	ala	前	前	凡	面	前	前	前	前	前
sitelen	书	書	画	画	画	畫	ala	文	画	文	字	畵	画	画	字	畵
sona	知	知	知	知	知	知	ala	知	知	眍	知	知	知	知	知	知
soweli	兽	畜	牛, 马	猫	马, 牛	犬	ala	獸	畜	勿	獣	獸	猫	犬	牛	獸
suli	大	大	高	大	高	大	大	大	大	大	大	大	大	大	大	大
suno	日	日	日, 光	日	日, 光	日	ala	日	日	日	日	日	日	光, 日	日	日
supa	私	牀	张	面	张	面	ala	案	面	又	横	ala	面	地	丌	丌
suwi	甘	甘	甜	甜	甜	ala	ala	甘	甘	炎	甘	甘	甘	甘	甘	甘
tan	由	由	从	因	从	因	由	自	因	巛	元	由	由	本	从	由
taso	惟, 只	但	只	許	只	只	ala	獨	但	亠	但	只	但	只	只	只
tawa	向	于	去	去	去	去	到	往	于	仈	行	去	行	去	去	去
telo	水	水	水	水	水	水	ala	水	水	川	水	水	水	水	水	水
tenpo	辰, 夕	時	时	时	时	时	ala	時	时	旬	時	時	時	時	时	時
toki	言, 语	言	言	言	言	言	ala	言	言	斤	言	言	言	言	言	言
tomo	所	家	穴	家	穴	室	房	室	居	囗	屋	家	居	家	穴	家
tu	二	二	二	二	二	二	ala	二	二	二	二	二	二	二	二	二
unpa	性	媾	性	盛	性	盛	性	交	合	仌	操	性	性	肏	交	性
uta	口	口	口	口	口	口	ala	口	口	匚	口	口	口	口	口	口
utala	斗	鬭	战, 斗	戦	战, 斗	戰	斗	鬥	竞	父	戦	戰	攻	斗	戈	戰
walo	白	白	白	白	白	白	ala	白	白	旲	白	白	白	白	白	白
wan	一	一	一	一	一	一	ala	一	一	一	一	一	一	一	一	一
waso	鸟	鳥	鸟	鳥	鸟	鳥	ala	鳥	鸟	乐	鳥	鳥	鳥	鳥	鸟	鳥
wawa	力	強	力	力	力	力	ala	威	力	力	力	力	力	氣	力	力
weka	去	去	脱	遥	脱	缺	ala	遠	离	冈	捨	脫	遥	丟	丟	脫
wile	欲	欲	要	要	要	要	ala	欲	要	吢	要	要	要	要	要	要
kin	仍	亦	也	又	也	亦	ala	矣	亦	另	又	又	実	也	也	又
namako	ala	益	ala	冗	ala	冗	余	新	加	灬	辛	ala	加	添	辛	鹽
oko	目	目	目	目	目	目	ala	目	见	目	目	目	目	目	目	目

ku suli

sitelen Lasina	sitelen munjan	jan Mato (Nijon)	jan U	Will­Bane­Of­Gods	nasin pi kulupu Eko	Joe­Strout	Evil­kenevil77	sitelen Sonwa	sitelen Kanpun
epiku	雄	ala	ala	ala	ala	ala	ala	正	傳
jasima	反	ala	ala	ala	ala	ala	ala	反	反
kijetesamntakali	鼬	ala	ala	ala	鼬	ala	ala	鼬	鼬
kipisi	切	切	切	切	ala	刻	斷	分	切
kokosila	鰐	ala	ala	ala	ala	ala	ala	異	鱷
ku	典	ala	ala	ala	ala	ala	ala	典	叴
lanpan	取	ala	ala	ala	ala	ala	ala	匪	取
leko	方	ala	ala	ala	ala	ala	ala	方	甓
meso	央	ala	ala	ala	ala	ala	ala	中	中
misikeke	醫	ala	ala	ala	ala	ala	ala	丸	藥
monsuta	鬼	ala	ala	化	ala	ala	ala	凶	鬼
n	焉	ala	ala	ala	ala	ala	ala	嗯	焉
soko	菌	ala	ala	ala	ala	ala	ala	古	蕈
tonsi	中	ala	ala	無	志	ala	ala	志	志

ku lili

sitelen Lasina	sitelen munjan	sitelen Sonwa	sitelen Kanpun
apeja	罪	丑	恥
ete	超	超	ala
ewe	巖	岩	ala
isipin	思	思	思
kalamARR	ala	盜	ala

toki ante

kulupu jan ante li lon ma Sonko li toki e toki pi kulupu toki Sonko ala. toki mute ni li ken kepeken sitelen Kansi lon tenpo. ni wan li toki Wasun (toki Wasun: Vahcuengh). tenpo pini la nasin Kansi (anu nasin Sasi (toki Wasun: Sawndip)) li suli. tenpo lon la nasin sitelen Lasina li kama suli nanpa wan.

ante pi toki ante

tenpo mute la, sitelen Ansi sama li toki e ijo sama lon toki ale ni. taso, kalama ona li ante.

sitelen "誠" li toki e "toki lon". ona li kalama "chéng" lon toki Sonko li kalama "makoto" anu kalama "sei" lon toki Nijon li kalama seong" lon toki Anku li kalama "thành" anu kalama "thiêng" lon toki Wije.

sitelen Kansi pi mute suli a li lon nasin Juniko. tenpo sike nanpa 2021 la nanpa ona li 92857.