soweli Wini Pu

soweli Wini Pu (toki Inli: Winnie-the-Pooh) li soweli ilo tan lipu pi jan Alan Alesanta Milen. jan Enest Sepat li sitelen e ona. soweli Wini Pu li pona mute tawa jan. ona li pona li sona ala. pali e lipu en ko suwi jelo li pona tawa ona.

sitelen pi soweli Wini Pu pi jan Enest Sepat

pali

soweli Winipe

jan Kitopa Jopin Milen li jan lili pi jan Alan Milen. tenpo sike 1921 la, jan Alan li pana e soweli ilo tawa jan Kitopa. jan Kitopa li nimi e ona «Etuwa» (toki Inli: Edward Bear). jan Kitopa li lukin e soweli Winipe lon tomo soweli pi ma tomo Lontan. soweli Etuwa li kama jo e nimi «Wini» (toki Inli: Winnie). jan Alan li nimi e soweli ilo pi jan Kitopa «Wini Pu». «Pu» li nimi waso. jan Kitopu li pana e moku tawa waso ni.

soweli Wini Pu li lon lipu pi jan Alan Milen

soweli Wini Pu lon lipu pi jan Alan Milen: lipu "tenpo pini la, mi mute li lili" (toki Inli: When We Were Very Young) (1924) en lipu "Wini Pu" (toki Inli: Winnie-the-Pooh) (1926) en

lipu "tenpo ni la, mi mute li 6 tenpo sike" (toki Inli: Now We Are Six) (1927) en lipu "tomo li lon ma Pu" (toki Inli: The House at Pooh Corner) (1928).

jan Kitopa Jopin li jo e soweli ilo mute lon lipu pi jan Alan: soweli Wini Pu en soweli lili en soweli tawa en soweli Kena en soweli Lu en soweli wawa linja. waso sona en soweli lili suwi li lon ma pi kasi suli.

• sitelen pi jan Enest Sepat
• 

  jan Kitopa Jopin

• 

  soweli lili

• 

  soweli tawa

• 

  waso sona

• 

  soweli Kena en soweli Lu

• 

  soweli lili suwi

• 

  soweli wawa linja

soweli Wini Pu li lon lipu ante

soweli ilo pi jan Kitopa Jopin Milen

jan mute li ante toki e lipu pi jan Alan. tenpo sike 2009 la, jan Tavi Penetiktu li pali e lipu "kama sin lon ma pi kasi suli" (toki Inli: Return to the Hundred Acre Wood). lipu ni li awen pi lipu pi jan Alan.

soweli Wini Pu li lon sitelen tawa

kulupu Sinsi pi ma Mewika li pali e sitelen tawa mute pi soweli Wini Pu. kulupu Sousmultpil (toki Lusi: Союзмультфильм) pi ma Sesesele li pali e tu wan sitelen tawa. soweli Wini Pu li lon sitelen tawa ante.

lipu

• soweli Wini Pu en jan pi ale ale ale
• soweli Wini Pu lon lipu pi kulupu Sinsi