soweli pi ko nasa

sijelo moli pi soweli ni tan ma Kentaki

soweli pi ko nasa (toki Inli) li soweli wawa pimeja pi ma Mewika. ona li moku e ko nasa mute li moli lon tenpo sike nanpa 1985.

tenpo pini

jan Antu Toton nanpa tu li esun e ko nasa. ona li tawa e ko nasa mute tan tomo tawa kon li pana e ko tawa ma kasi. tomo tawa kon li pakala li moli e jan Antu Toton. kulupu alasa lawa pi ma Sosa li lukin e soweli wawa moli. soweli ni li moku e ko nasa pi jan Antu Toton li moli.

jan sona Kene Alonso li jo e sijelo moli pi soweli ni. ona li pana e sijelo ni tawa kulupu pi telo tawa Katawuti. taso, sijelo ni li lon tomo esun pi ma Kentaki lon tenpo ni.

sitelen tawa

sitelen tawa pi soweli ni li lon tan tenpo sike nanpa 2023. nimi sitelen li Cocaine Bear. mama pi sitelen ni li jan Elisepe Pan. sitelen tawa li ante mute tawa tenpo pini lon. soweli pi sitelen ni li moli e jan mute. taso, soweli lon li moli e jan ala.