suwi

suwi li pilin uta pona. taso, jan li moku e suwi pi mute ike la, jan li ken kama jo e ike sijelo. jan li moku e suwi la, o weka e jaki lon uta lon kiwen uta.

ko suwi[o ante | o ante e toki ilo]

ijo mute li suwi. pipi li pali e ko suwi. tan kasi en tan kili la jan li pali e ijo suwi.

ko kiwen suwi
ko suwi tan pipi

moku suwi[o ante | o ante e toki ilo]

moku suwi ante mute li lon. jan li pali e pan suwi e lete suwi e moku suwi ante mute. moku li suwi ala la, jan li ken pana e ko suwi. kili mute kin li suwi.

jan li moku e ijo ante la, jan li moku e suwi lon tenpo kama. jan li moku e suwi lon tenpo nanpa wan la, pilin uta jan li wawa lili li pona lili.