toki Epanja

toki Epanja li kama tan ma Epanja. jan Epanja en jan mute tan ma Amelika seli li kepeken e ona.

nimi pi toki Epanja li seme kepeken toki Epanja?

nimi tu li lon. jan mute li kepeken e nimi español. taso jan ante li kepeken e nimi castellano.

toki Epanja li lon kulupu toki seme?

toki Epanja (en toki mute pi ma Elopa) li lon kulupu toki Insi-Elopa. toki Epanja li kama tan toki Lasina. jan li ken sitelen e toki Epanja kepeken nasin sitelen Lasina.

toki Epanja li jo kin e nimi tan toki Alapi.

ma seme li toki e toki Epanja?

toki Epanja li toki pi nanpa wan pi jan pi ma ni:

• ma Alensina
• ma Antola
• ma Ekato
• ma Epanja
• ma Hontula
• ma Kosalika
• ma Kupa
• ma Mesiko
• ma Sile
• ma Palakawi
• ma Panama
• ma Pelise
• ma Pelu
• ma Penesuwela
• ma Polipija
• ma Tominika
• ma Ulukawi
• ma Watemala

ma ante mute li toki e ni kin. taso toki Epanja li toki pi nanpa tu lon ma ante ni.

toki pi toki Epanja

• toki! = ¡Hola!
• mi tawa. / tawa pona. = Adiós.
• mi wile e ___. = Quiero ___.
• mute seme? = ¿Cuánto?
• tomo telo li lon seme? = ¿Dónde está el baño?
• sina sona ala sona e toki pona? = ¿Habla usted toki pona?
• mi sona ala. = No sé.
• nimi sina li seme? = ¿Cómo te llamas?
• nimi mi li ____. = Mi nombre es ____. / Me llamo ____.
• mi wile moku. = Tengo hambre.
• mi = yo
• sina = tú
• ona = él / ella (ona li mije la o kepeken e nimi él. ona li meli la o kepeken e nimi ella)
• mi pona lukin! = Soy guapo/guapa (sina mije la o kepeken e nimi guapo. sina meli la o kepeken e nimi guapa.)

bs - ca - da - de - en - eo - es - fi - fr - ia - it - ja - la - na - nl - pl - ro - simple - sv - th - zh