toki Nosiki
toki Nosiki (toki Nosiki: Norsk) li toki lawa pi ma Nosiki. ona li toki pi kulupu Kemani. toki Nosiki en toki Wensa en toki Tansi la, ona li jo e mama sama.
toki Nosiki
Norsk | |
---|---|
ma | ma Nosiki |
toki pi tenpo pini | toki Nolon
|
nasin sitelen | sitelen Lasina |
nanpa toki | |
ISO 639-1 | no
|
ISO 639-2 | nor
|
ISO 639-3 | nor
|
Glottolog | norw1258
|
Linguasphere | 52-AAA-ba
|
nasin sitelen pi toki
nasin sitelen pi toki la, toki Nosiki li jo e nasin tu. jan ala li toki e nasin ni, taso jan ale li ken kepeken e ona.
toki lipu
toki lipu (toki Nosiki: Bokmål) la, jan li kepeken e ona tan ni: tenpo pini la, ma Tansi li jo e ma Nosiki. ma Tansi li jo ala e ona la, ma Nosiki li kepeken awen e toki Tansi tawa lipu. taso ma Nosiki li ante lili e ona. jan Nosiki mute li sitelen e toki ni. toki lipu en toki Tanse la, ona li ante lili:
- nimi pi toki Tanse li jo e kalama b/d/g la, toki lipu li jo e kalama p/t/k: løbe/løpe, hedde/hete, kage/kage.
- nimi jan li ante lili. toki Tanse: I - jer - jeres. toki lipu: dere - dere - deres.
toki Ninosiki
toki Ninosiki (toki Nosiki: Nynorsk) la, jan Iwa Osen li pali e ona. ona wile pali e sitelen pi toki Nosiki tan ni: toki Tansi li ante mute tawa jan Nosiki. ona li tawa ale e ma Nosiki la, ona li kute e nasin toki pi jan ale. toki lipu en toki Ninosiki li sama lili, taso ona tu li ante:
- kalama li ante. toki lipu: hete, løse, grøt. toki Ninosiki: heita, løysa, graut.
- nimi pi toki lipu kepeken e kalama be-, an-, -het, -else la, toki Nosiki li kepeken ala e kalama ni. o lukin e nimi ni. toki lipu: beskjed, beskrive, anbefale, ansette, trygghet, anelse. toki Ninosiki: melding, skildra, tilråda, tilsetja, tryggje, aning.
toki Ninosiki en nasin toki pi jan Nosiki mute li sama mute. kin la, jan mute li kepeken e toki lipu. jan nanpa lili taso li kepeken e toki Ninosiki.
nasin toki
ma mute li weka e nasin toki. taso ma Nosiki li awen e nasin toki. jan Nosiki mute li kepeken e nasin toki ona. jan mute pilin e ni: ona li pilin pona tan nasin toki ona. ni li kulupu pi nasin toki:
- toki Nosiki anpa (toki Nosiki: Østnorsk/Austnorsk)
- toki Nosiki poka (toki Nosiki: Vestnorsk)
- toki Nosiki insa (toki Nosiki: Trøndersk)
- toki Nosiki sewi (toki Nosiki: Nordnorsk)
jan Nosiki ale ken sona e nasin toki ante. taso tenpo lili la, jan li ken sona ale ala e nasin toki.