toki Salaki

toki Salaki (toki Salaki: ᏣᎳᎩ /t͡salagi/) li toki pi kulupu jan Salaki. jan mute ala li toki kepeken toki Salaki tan ni: jan mute pi kulupu Salaki li toki kepeken toki Inli lon tenpo ni sama jan pi ma Mewika.

toki Salaki ᏣᎳᎩ
kalama	/t͡salagi/
ma	ma Salaki
nasin sitelen	nasin sitelen pi kulupu kalama pi jan Sekoja
nanpa toki
ISO 639-3	chr

kalama

kalama pini

	open uta	nena uta		sewi sinpin	sewi monsi		lupa
nena sinpin	m	n
pini toki		t~d			k~g	kʷ~gʷ	ʔ
pini toki weka		t͡s *	t͡ɬ~d͡ɮ
pini lili		s					h
nena lon poka		l		j	ɰ

* jan ante li ante e kalama /t͡s/ tawa kalama /d͡ʒ/, /t͡ʃ/, anu /d͡z/.

kalama open

	sinpin		meso		monsi
sewi	i	iː			u	uː
insa	e	eː	ə̃	ə̃ː	o	oː
anpa			a	aː

nasin sitelen

nasin sitelen pi jan Sekoja

tenpo sike 1810 la jan Sekoja li pali e nasin sitelen pi toki Salaki. nasin sitelen ni li nasin sitelen pi kulupu kalama.

pali

lon tenpo sike 1810 la jan mute pi ma Salaki li toki e ni: sitelen toki (ijo pi jan walo) li nasa li ike. jan Sekoja li toki e ni: sitelen toki li pona tawa ma Salaki; toki Salaki li wile e sitelen toki. taso jan Sekoja li sona ala sitelen.

jan Sekoja li pali e nasin sitelen tawa ma ona. tenpo nanpa wan la nasin sitelen ona li jo e sike mute e linja lili. taso ona li ante e nasin sitelen ona tan ni: jan li wile pali e lipu kepeken tenpo lili. tenpo ni la nasin sitelen pi ma Salaki li sama sitelen Lasina tawa lukin.

alasa awen

tenpo ni la jan pi mute ala li ken ala toki kepeken toki Salaki. jan pi ma Salaki li pali e tomo sona Kituwa (New Kituwah Academy) e tomo sona ante tan ni. tomo ante mute li pali tawa awen pi toki Salaki.

nimi pi toki Salaki

ᎤᎵᎮᎵᏍᏗ /ulihelisdi/ - o kama pona.

ᎣᏏᏲ /osijo/ - toki. (tawa jan suli)

ᏣᎳᎩᏍ ᎯᏬᏂᏍᎩ? /t͡salagis hiɰonisgi/ - sina ken ala ken toki kepeken toki Salaki? (tawa jan wan)

ᎨᏍᏗ ᏱᏥᎦᏔ /gesdi jit͡sigata/ - mi sona ala.