toki Sensa
toki Sensa
svenska | |
---|---|
kalama | [ˈsvɛ̂nːska] |
ma | ma Sensa |
kulupu toki | Palata Elopa |
nasin sitelen | sitelen Lasina |
nanpa toki | |
ISO 639-1 | sv
|
ISO 639-2 | swe
|
ISO 639-3 | swe
|
- ike la lipu ni li lili. sina wile pona e ona la sina ken suli e ona.
toki Sensa (Svenska) (anu toki Wensa) li toki lon ma Sensa lon ma Sumi. jan 10,000,000 li toki e toki Sensa.
kalama toki
toki Sensa li jo e kalama mute. o lukin e ni:
selo uta | pini pi palisa uta | monsi uta | ||||
---|---|---|---|---|---|---|
kiwen uta / nena | supa kiwen | supa suwi | lupa kon | |||
lon nena | m | n | ||||
open ala | p b | t d | k g | |||
kon wawa | f v | s | ɕ | ɧ | h | |
kalama sike | r, ʀ | |||||
kon suwi | l | j |
sinpin uta | insa uta | monsi uta | ||||
---|---|---|---|---|---|---|
sike ala | sike | sike ala | sike | sike ala | sike | |
sewi | ɪ i: | ʏ yː | ʉ: | ʊ uː | ||
sewi lili | e: | ø: | ɵ | oː | ||
anpa lili | ɛ ɛ: | œ | ɔ | |||
anpa | a | ɑ: |
nasin sitelen
jan li ken sitelen e toki Sensa kepeken sitelen Lasina. nasin sitelen Sensa li jo e kipisi sitelen tu wan sin. ona li sitelen Å li sitelen Ä li sitelen Ö.
ni li kulupu sitelen Sensa li nimi sitelen li kalama sitelen:
sitelen | nimi sitelen | kalama | sama toki pona | sitelen | nimi sitelen | kalama | sama toki pona |
---|---|---|---|---|---|---|---|
Aa | a [ɑ:] | [a], [ɑː] | pali | Pp | pe [peː] | [p] | pilin |
Bb | be [beː] | [b] | pali, taso kepeken linja kalama | qu [kʉː] | [k] | kili | |
Cc | ce [seː] | [s], [k] | sike / kalama | Rr | err [ɛrː] | [r]/[ʀ]/[ɹ] | kalama li ala lon toki pona |
Dd | de [deː] | [d] | taso, taso kepeken linja kalama | Ss | ess [ɛsː] | [s] | sama |
Ee | e [eː] | [ɛ], [eː], [ə] | ken | Tt | te [teː] | [t] | telo |
Ff | eff [ɛfː] | [f] | kalama li ala lon toki pona. | Uu | u [ʉː] | [ɵ], [ʉː] | kalama li ala lon toki pona. |
Gg | ge [geː] | [g], [j], [ɧ]* | kala, taso kepeken linja kalama,
jelo |
Vv | ve [veː] | [v] | kalama li ala lon toki pona.
ona li lili sama W. |
Hh | hå [hoː] | [h] | kalama li ala lon toki pona. o kon tan
uta kepeken kalama linja ala. |
Ww | dubbelve
[ˌdɵbːəl.ˈveː] | ||
Ii | i [iː] | [ɪ], [iː] | lipu | Xx | ex [ɛks] | [ks], [s] | k lon nimi kala en s lon nimi selo |
Jj | ji [jiː] | [j] | jo | Yy | y [yː] | [ʏ], [yː] | kalama li ala lon toki pona. taso ona li
lili sama i lon nimi kili |
Kk | kå [koː] | [k], [ɕ] | kala | Zz | zäta [ˈsɛːta] | [s] | selo |
Ll | ell [ɛlː] | [l] | lipu | Åå | å [oː] | [ɔ], [oː] | pona |
Mm | em [ɛmː] | [m] | moku | Ää | ä [ɛː] | [ɛ], [ɛː] | telo |
Nn | en [ɛnː] | [n] | nena] | Öö | ö [øː] | [øː], [œ] | kalama li ala lon toki pona. |
Oo | o [uː] | [ʊ], [uː], [ɔ], [oː] | uta / moku | *taso lon nimi tan toki ante |
sitelen Sensa li jo e kulupu pi kipisi sitelen mute. ona li jo e kalama ante:
sitelen | kalama | *sona sin | |
---|---|---|---|
sj, skj, stj,
sch |
[ɧ] | ||
sk | taso lon sinpin pi sitelen e, i, y, ö, ä
lon sinpin sitelen a, o, u, å la kalama li [sk] |
||
xj | [kɧ] | taso lon nimi Växjö (ma tomo lon ma Sensa). ante la
kalama li [ksj] |
|
ch | [ɧ] / [ɕ] / [k] | lon nimi och (en) la kalama li [k]
ante la nimi li tan toki ante. |
|
ck | [k] | ||
tj, kj (k) | [ɕ] | lon sinpin sitelen e, i, y, ä, ö la sitelen k li jo e kalama ni | |
lj, dj, gj (g) | [j] | lon sinpin sitelen e, i, y, ä, ö la sitelen g li jo e kalama ni | |
ti, si | [ɧ] | lon sinpin sitelen o lon nimi tan toki ante. nimi li ken
nimi station anu nimi passion |
|
zz | [ts] | lon nimi tan toki ante |
nasin toki
nimi jan
toki Sensa li ante e nimi jan tan ni: nimi jan li toki e nasin pali jan. jan li pali e ijo la toki Sensa li kepeken e nimi jan. ijo pali e jan la toki Sensa li kepeken e nimi jan ante. toki Sensa li ante kin e nimi jan tan ni: nimi jan li toki e nanpa jan.
jan li... | ...e jan | jan li jo e ijo |
---|---|---|
jag (mi) | mig (...e mi) | min, mitt, mina (... mi) |
du (sina) | dig (...e sina) | din, ditt, dina (... sina) |
han/hon/hen (ona (jan)) | honom/henne/hen(om) (...e ona) | hans/hennes/hens (... ona (jan)) |
den/det (ona (ijo)) | den/det (...e ona (jan ala)) | dess (... ona (ijo)) |
vi (mi mute) | oss (...e mi mute) | vår, vårt, våra (... pi mi mute) |
ni (sina mute) | er (...e sina mute) | er, ert, era (... pi sina mute) |
de (ona mute) | dem (...e ona mute) | deras (... pi ona mute) |
nimi ijo
kulupu nimi
toki Sensa li jo e kulupu nimi tu. kulupu ni li ante e nimi ante. o lukin e ni:
stort hus (tomo suli)
stor växt (kasi suli)
nimi stor (suli) li ante. nimi hus en nimi växt li lon kulupu tu ante.
nanpa ijo en sona ijo
toki Sensa li ante e nimi ijo tan ni: nimi ijo li toki e nanpa ijo. nimi ijo li toki e ni kin: jan toki li sona ala sona e ijo?
wan | mute | ||
---|---|---|---|
ijo pi sona ala | ijo sona | ijo pi sona ala | ijo sona |
ett hus (tomo) | huset (tomo ni) | hus (tomo mute) | husen (tomo mute ni) |
en växt (kasi) | växten (kasi ni) | växter (kasi mute) | växterna (kasi mute ni) |
en bok (lipu) | boken (lipu ni) | böcker (lipu mute) | böckerna (lipu mute ni) |
en kvinna (meli) | kvinnan (meli ni) | kvinnor (meli mute) | kvinnorna (meli mute ni) |
nimi ijo li jo e ijo la sitelen lili -s li namako lon monsi nimi. nimi jo li sinpin nimi ijo. o lukin e ni:
husets växt (kasi tomo)
böckernas text (sitelen pi lipu mute)
nimi pali
toki Sensa li ante e nimi pali tan ni: nimi pali li toki e tenpo e nasin pali. nimi pali li ken toki e tenpo luka: tenpo pini lon tenpo pini, tenpo pini lon tenpo ni, tenpo pini, tenpo ni, en tenpo kama. nimi pali li ken toki e nasin pali tu wan: nasin lon, nasin o, nasin pi ante lon. jan li ala kepeken mute e nasin pi ante lon.
sama toki pona la toki Sensa li ala ante e nimi pali tan ni: jan seme li pali.
tenpo ala | tenpo pini lon tenpo pini | tenpo pini | tenpo pini lon tenpo ni | tenpo ni | tenpo kama | nasin o ("o lon") | nasin pi ante lon
("ona li lon la ...") |
---|---|---|---|---|---|---|---|
vara (lon) | hade varit | var | har varit | är | ska vara | var | vore |
älska (olin) | hade älskat | älskade | har älskat | älskar | ska älska | älska | älskade |
förstöra (pakala) | hade förstört | förstörde | har förstört | förstör | ska förstöra | förstör | förstörde |