toki Sonko
toki Sonko
汉语 | |
---|---|
ma | ma Sonko
ma tomo Onkon |
kulupu toki | Sonko Po |
nasin sitelen | sitelen Sonko pi tenpo pini sitelen Sonko sin |
nanpa toki | |
ISO 639-1 | zh
|
ISO 639-2 | chi / zho
|
ISO 639-3 | zho
|
toki Sonko (toki Sonko: 汉语) li toki pi ma Sonko. jan pi mute suli li toki kepeken toki Sonko.
toki Sonko li toki pi ma mute. ona li toki lawa pi ma Sonko li toki lon ma Tawan, lon ma Sinkapo, lon ma mute ante. ante mute pi toki Sonko li lon. sitelen la ona ale li sama mute. taso toki kalama la ona li ante mute.
kalama
ni li kalama pi toki Sonko lawa. taso, ni li kalama ala pi toki ante Sonko.
kalama pi open ala
open uta | uta sewi sinpin | linja uta monsi | supa pi uta sewi | uta sewi monsi | ||
---|---|---|---|---|---|---|
nena | m | n | ŋ | |||
pini kalama | kon | pʰ | tʰ | kʰ | ||
kon ala | p | t | k | |||
pini kalama lili | kon | t͡sʰ | ʈ͡ʂʰ | t͡ɕʰ | ||
kon ala | t͡s | ʈ͡ʂ | t͡ɕ | |||
pini lili | f | s | ʂ, ʐ | ɕ | x | |
kalama telo | l | ɻ |
toki ante
toki Sonko li toki wan ala li kulupu pi toki mute. toki lawa pi ma Sonko li toki Sonko pi ma tomo Pesin. nimi pi toki ni li "toki Putonwa". toki Sonko la, nimi ni li "toki pi jan mute" anu "toki lawa". jan mute pi ma Sonko li ken toki e toki Sonko lawa. taso, jan mute pi ma Sonko li ken toki e toki ante mute. ma Sonko la, ma lili ali en ma tomo ali li jo e toki ante. jan pi sona toki li kulupu e toki ante ni. ni li kulupu suli:
- kulupu toki Min (闽语/閩語/Mǐn yǔ). toki Panlan (閩南語/闽南语) en toki ante li lon kulupu toki Min.
- kulupu toki U (吴/吳/Wú). toki Sanwe (上海話/上海话) en toki ante li lon kulupu toki U.
- kulupu toki Juwe (粵語/粤语). toki pi ma tomo Onkon (香港) en toki ante li lon kulupu toki Juwe.
- kulupu toki Kin (晉語/晋语). toki pi ma lili Sansi en toki ante li lon kulupu ni.
- kulupu toki Kan (贛語/赣语). toki pi ma lili Sijansi en toki ante li lon kulupu ni.
- kulupu toki Aka (客家話/客家话). toki Aka li jo e toki ante mute.
- kulupu toki Sijan (湘語/湘语). toki pi ma lili Unan en toki ante li lon kulupu ni.
sitelen Sonko
toki ante ali pi toki Sonko li kepeken e sitelen Sonko. toki Sonko la, sitelen Sonko li "sitelen Ansi" (漢字/汉字). toki Sonko la, nimi ni li "sitelen pi jan kulupu An". sitelen Sonko li kepeken e sitelen sijelo. sitelen sijelo li ante pi sitelen kalama. sitelen sijelo li sitelen e nimi. sitelen kalama li sitelen e kalama. toki mute pi ma ali li kepeken e sitelen kalama. tenpo ni la, jan li kepeken taso e sitelen sijelo wan: sitelen Sonko.