sina ante e lipu "toki sin"

[[sitelen:Conlangflag.svg|thumb|len pi toki sin li jo e [[tomo suli pi ma tomo Papili]]]]
'''toki sin''' li toki tan pali jan. sama ala toki ante la ona li kama tan pali wile.

jan li pali e toki sin tan ijo ante mute. toki sin pi ma ale la jan li wile wan e kulupu jan. toki sin musi la jan li pali e toki tan musi ona. toki nasin la jan li wile kama e nasin lon toki sin. tenpo sike 

== kulupu pi toki sin ==

=== toki sin pi ma wan anu toki sin pi kulupu wan ===

ma anu kulupu li jo e jan pi wile toki li jo ala e toki wile la ona li ken wile e toki sin. kulupu wan li kulupu pi kute ala anu kulupu pi kute ante lon [[ma Nikalawa]] la ona li wile ala kepeken toki pi kalama uta li wile toki kepeken tawa sijelo kepeken luka. tenpo la, {{nimi ijo|toki luka sin pi ma Nikalawa|Idioma de Señas de Nicaragua|toki Epanja}} li kama lon, li awen lon. lon poka pi tenpo sike nanpa 1980 ona li kama.

=== toki sin pi ma ale ===
toki sin pi ma ale li toki tawa jan pi ma ante mute. tenpo mute la nimi ona li kama tan toki ma ante mute. wile pi mama toki la jan li pini e utala tan sona ala pi toki ante.

toki sin nanpa wan pi ma ale li [[toki Olapi]] tan {{nimi ijo|jan Jokan Masin Saja|Johann Martin Schleyer}}. nimi {{toki|vo|Volapük}} li kama tan nimi {{toki|vo|vol}} (ma ale) en nimi {{toki|vo|pük}} (toki). ni la kon nimi li "toki pi ma ale". nimi mute pi toki Olapi li kama tan [[toki Inli]] anu [[toki Tosi]] anu [[toki Kanse]]. tenpo pini la jan mute li toki e ona. taso toki Epelanto li kama la kulupu pi toki Olapi li kama lili.

toki sin pi suli nanpa wan li [[toki Epelanto]] tan {{nimi ijo|[[jan Sameno|jan Luwi Sameno]]|Ludwik Zamenhof|||ipa=}}. nimi ona li kama tan toki mute pi [[ma Elopa]]. toki pi jan Sameno la jan pi ma Elopa li ken kama sona pona e nasin pi toki Epelanto tan ni: ona li sama nasin pi toki mute tan ma Elopa.

toki lili mute pi toki Epelanto li kama kin. [[toki Ito]] li toki lili pi suli nanpa wan tan toki Epelanto.

tenpo pi ilo toki la toki sin mute pi ma ale li kama. [[toki Kotawa]] en [[toki Elepen]] en [[toki Pantunija]] en [[toki Litepa]] li toki suli pi tenpo poka. kama suli pi ilo sona li kama e suli pi kulupu toki ni.

=== toki sin musi ===
jan li pali e toki sin musi tan musi. tenpo mute la ona li lon lipu anu [[sitelen tawa]].

tenpo mute la jan toki pi sitelen tawa li tan ma ante. ni la jan li pali e toki sin musi pi ma ni ala tawa ona.

{{nimi ijo|[[jan Son Tokin]]|John R. R. Tolkien|||ipa=}} li pali e toki sin mute tawa lipu ona. {{nimi ijo|[[toki Kuwenja]]|Quenya|||ipa=}} en {{nimi ijo|[[toki Sintalin]]|Sindarin|||ipa=}} li toki sin suli ona. taso toki ante ona li lon kin.

tenpo mute la kulupu pi pali sitelen li wile e toki sin tan jan pali pi toki sin anu jan pi [[sona toki]]. {{nimi ijo|jan Makoken|Marc Okrand|||ipa=}} li pali e {{nimi ijo|[[toki Sinan]]|tlhIngan Hol|||ipa=}} tawa jan Sinan pi {{nimi ijo|sitelen musi ''tawa mun''|Star Trek|toki Inli||ipa=}}. {{nimi ijo|[[jan Tawi Peteson]]|David J. Peterson}} li pali e {{nimi ijo|[[toki Tolaki]]|Dothraki|||ipa=}} tawa {{nimi ijo|sitelen tawa ''musi pi supa lawa''|Game of Thrones|toki Inli||ipa=}}.

=== toki sin nasin ===

toki sin nasin la jan li wile kama sona e nasin e toki li wile pana e nasin lon toki.

{{nimi ijo|[[jan So Owe]]|George Orwell}} li toki insa e ni: sina weka e nimi tan toki la jan li ken ala toki insa e ijo pi nimi ni. [[lipu 1984]] ona la ona li toki e {{nimi ijo|[[toki Nupi]]|Newspeak|toki Inli||ipa=}}. lipu la kulupu lawa li pali e toki sin tan toki Inli tawa ni: ona li ken lawa e jan e toki insa ona.

jan {{nimi ijo|Sen Ku Pon|James Cooke Brown|||ipa=}} li pali e [[toki Lolan]]. wile ona la toki ni li weka e nasin toki pi kon ante mute. ni la jan ante li ken ala sona ike e toki. mama pi toki Lolan li wile lawa e toki li wile ala e ante pi jan ante. ni la kulupu {{nimi ijo|kulupu "LLG"|Logical Language Group|toki Inli|kulupu toki pi nasin nanpa pi toki insa}} li pali e {{nimi ijo|[[toki Losupan]]|la .lojban.}} tan toki Lolan. nasin pi toki Losupan li sama toki Lolan. taso kulupu pi jan toki li lawa e toki Losupan. ni li lili e kulupu pi toki Lolan li suli e kulupu pi toki Losupan.

{{nimi ijo|jan Suse Eten Ekin|Suzette Haden Elgin|||ipa=}} li pali e [[toki Latan]] li pana e ona lon lipu ona ''Native Tongue''. toki Latan la nasin meli li suli sama ala toki ante pi nasin mije.

{{nimi ijo|jan Sonja|Sonja Lang}} li pali e [[toki pona]] kepeken [[nasin pona]]. toki la ona li wile pona e nasin pi [[toki insa]]. ona li kepeken kulupu nimi lili li kepeken nasin toki pona. ni la jan li ken kama sona e toki pona kepeken tenpo lili.

== toki sin ante tan jan pi pali toki ==

toki sin li mute:

*[[toki pona]] - tan [[jan Sonja]]
*[[toki Epelanto]] - tan [[jan Sameno]]
*[[toki Elepen]] - jan Joji Puwe
*[[toki Elunsi]] - tan [[jan Koleko]]
*[[toki Kuwenja]] - tan [[jan Toliken]]
*[[toki Lokoso]] - tan [[jan Ota]]
*[[toki Losupan]]
*[[toki Ikuli]] - tan jan Sonkiwata
*[[toki Intelinwa]]
*[[toki Intelinwe]]
*[[toki Ito]]
*[[toki Pasiki]] - tan [[jan Sen]]
*[[toki Sinan]] - tan [[jan Makokan]]
*[[toki Soleso]] - tan [[jan Sute]]
*[[toki Soma]] - tan [[jan Ewen]]
*[[toki Sowijo]]
*[[toki Tusaki]] - tan [[jan Tawi Peteson]]

[[kulupu:toki]]
[[kulupu:toki sin]]