lipu "nasin toki" la tenpo tu la ante li ni

[[ijo:Languages of Israel.jpeg|thumb|sitelen pi [[toki Iwisi]] pi [[toki Alapi]] pi [[toki Inli]] pi [[toki Losi]]]]

jan li wile e ijo la, jan li ken '''toki''' tawa jan ante. jan li toki la, jan li pali e kalama kepeken lupa moku ona li wile e ni: jan ante li kute e kalama ona li ken sona e wile ona. jan ante li ken toki kepeken luka ona. jan ni li pali e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li [[toki luka]].  

toki li mute. jan mute mute li kepeken [[toki Inli]]. ona li tan [[ma Inli]]. lon [[ma Sonko]] la, jan mute mute li kepeken [[toki Sonko]].

ken la, jan li kepeken [[toki sin]]. jan li pali e toki sin. toki sin li mute kin. [[toki Epelanto]] en [[toki Losupan]] en [[toki pona]] li toki sin.

tenpo pini la, jan li kepeken toki wan. taso tenpo ni la, jan ala li kepeken ona. ni la, toki ni li [[toki moli]].

==toki lon ma==

===toki tan ma Asija===

* [[toki Anku]]

* [[toki Sonko]]  

===toki tan ma Elopa===

* [[toki Inli]]

* [[toki Wensa]]

===toki sin===

* [[toki Epelanto]]

* [[toki Losupan]]

* [[toki pona]]